Ikatan Da'i Aceh: Cebong Ngön Kampret Ci Seungap Ile Siat

Nasaja Berita – Jakarta, Ikatan Da'i Aceh (IDA) ka troh u Jawakarta jak peubereh undangan seucara langsong bak lumboi sa dan lumboi dua. Jawaban dari tim capreh mandua kana. Tinggai ta seutel pajan acara nyang paih.

IDA kalheuh troh bak MUI untuk lakee idin dan MUI ka siap dukong IDA kalinyoe. Seubab meunurot MUI kondisi peulitek jinoe sit teungöh karu hana meupu. Mandum peugah droe paleng iseulam. Maka peurle pembuktian, salah saboh nyang paleng peunteng that, beujeut beut. MUI bahkan kalinyoe siap bantu teunaga dan pikiran. Lagee miseujih na peurle teunaga keu dewan juri atawa bahkan fasilitaih pun MUI ka siap bantu.

Seugolom jak bak MUI lam uroe Seulanyan baroe (14 buleun Januari), Ikatan Da'i Aceh kalheuh meudiskusi sit deungön ulama Aceh di MPU, lagee contoh Lem Faisal atawa Abu Sivreh seulaku Sekretarih MPU Aceh. Deungön Waled Nu sampe na ngön Ayah Mun atawa Ayah Batee Ilik, kalheuh meuduk jak peugah hai wacana tes beut seugolom jih.

Meunyoe keu urusan aturan lam pilpres sit memang hana. Dan lom pih hana meuteuntang aturan. KPU seulaku awak peugöt pemilu dan pilpres ka geubire idin, seulama hana meuganggu jadual debat nyang ka na jadual dari KPU. Atawa jadual kampanye ukeu. Nyan ban kiraju.

Leubeh nibak nyan, bunoe Teungku Mudas, watee Apa Raban hubungi, geupeugah keulayi nyang bahwa tes nyoe  keu mandua calon. Jadi hana istilah kampret atawa cebong. Seubab mandua ta tes, dan mandua keunöng surat nyang sama, nyakni surah patihah (Al fatihah) dan surat lam juz 'Amma, juh lhee ploh (surat paneuk-paneuk nyang biasa lam seumayang). Teuman meunyoe MUI, MPU, KPU ka bereh, ka oke, pakön cebong ngön kampret karu that. Nyan geuhireun le Teungku Mudas. Apa Raban pih leubeh bak nyan hireun, neukiraju.

Leubeh bak nyan Teungku Mudas weuh that geukalön ureung tanyoe di Aceh, watee tapakat beut capres cawapres Indoneh, ji teunak teuh. Puko leumo keuh jikheun, aleh pu-pu dum neukiraju. Teuman meunyoe keu Teungku Pakat beut ji kheun Teungku Puko Leumoe, kiban keuh keu ureung nyang seumeubeut, keubiet han ek ta pike neukiraju. Meunan haba Teungku Mudas bunoe.

Lheuh nyan Teungku Mudas geu peusan bak Apa, "Nyan Apa neutuleh beu lagak, suah peuseungap ile cebong ngön kampret, bah jeut ta keurija, awak droeneuh nonton, kalön keudroe, pun jeut geu beut capres nyang ta dukong dan saban-saban peugah droe paleng Islami dum. Mandua balah saban, kön klaim capres, tapi klaim timses dum, soe paleng iseulam. Ka glak teuh."

"That seutuju Apa", meunan Apa jaweub bunoe bak Teungku Mudas bunoe. Ukuran watee geu deungö le Da Mulah watee Apa ceurita bunoe, Da Mulah pih seutuju that, tok gara-gara cebong ngön kampret, meu keu kuwah masam keueung bak ureung lingka, lawet nyoe ka han ta teume rasa. Seubeutoi jih Da Mulah ka esmosi keu Apa bunoe, bak geudeungo IDA, geupike pane Da laen, seulaen Da Mulah nyang that Apa cinta. Nasaja kiraju.

Share this post