GEMPA Ka Ji Gok-Gok Wali Nanggroe: Ka Trön Keudroe Pu Kamoe Peutrön

Nasaja Berita – Banda Aceh, Biet keuh rame-rame ureung bak simpang limöng Banda Aceh uroe seulanyan tanggai 28/1 baroe , Apa pike pu na acara ka ji ba keurtah karton saboh sapoe. Rupajih keubiet na demo. Apa kalön sagai, seubab meukarat jak intat aneuk miet u rumoh saket toe Blang Padang.

Lheuh Apa baca bak Liputan Aceh beuklam baro meuteupu soe awak nyan dan pu ji demo. Rupajih, awak GEMPA (Gerakan Mahasiswa Pemuda Aceh) teungöh ji gok-gok Wali Nanggroe Paduka Yang Mulia Malek Mahmud Al Haytar.

"Kamoe meulake awak dewan bak DPRA duek rapat paripurna, cabot nyan mandat Malek Nanggroe seubagoe Wali Nanggroe kalinyoe." Nyan ban bak ji orasi le Husnul Jamil seulaku koordinator demo baroe.

Sinoe neu klik berita anggota DPD-RI yu hapoih Lembaga Wali

Ube-ube raya ji tuleh bak keurtah karton, "Cabut Mandat Malek Mahmud", nyang leubeh reman lom, "Malek Mahmud, Ka trön keudroe, peu kamoe peutrön". Nyan brat reman, keurtah karton nyang ji mat le aneuk dara mahasiswa lam GEMPA.

Sinoe neu klik awak DPD Aceh ji meuabeh keu Wali

Awak GEMPA pih ji lake bak Waliyul Hadi seulaku ureung tuha lam Lembaga Wali Nanggroe untuk peutrang masalah transparansi peng anggaran leumbaga nyan demi jaga meuruah lembaga Wali Nanggroe. Bek lagee lembaga Mafia. Hai meunan ji peugah, seubab meutuleh bak spanduk "Lindungi Lembaga Wali Nanggroe dari Mafia". Beurarti kön geulanto jipeugah, nyan leumbaga Wali bek lagee lembaga Mafia.

Demo tertib rapi. Jak rapi, woe rapi. Hana arogan meunyoe kheun peulisi dan hana anarkis meunyoe kheun awak nyoe lam tiphi. Nyan ban kiraju. Apa pike pu gempa bunoe na ureung tanyöng bak pesbuk. Rupajih gempa ji gok-gok wali nanggroe Meuntro Malek. Nasaja kiraju.

Share this post