Di Mexico, Ji Drop Bhah Narkoba, Peut Uroe Sagai Ji Peunjara

Nasaja Berita – Mexico, Menyoe ta keuneuk peugah peukara mafia narkoba, sit Mexico raja mafia narkoba. Ukuran teungoh di jak-jak, ulee ureung ji keujeut sipak keu bola, wap ban lheh mabok. Meuhan model peupok binteh nyan neukiraju.

Di nanggroe nyan murah that peukateun nyan. Han neu pateh, aci neu kalon bak phelem-phelem. Meunyo di Amerika na judul film jih NARCOS. Nyan kisah mafia antar negara di Amerika meunyoe keunek kalon kian peukateun awak nyan.

Keubiet lagee lam phelem neukiraju, keujadian nyata baroe, sidroe ureng inong tuha nyang umu ka 94 thon, ka meu be tanoh ji drop bak pos perbatasan Amerika ngen Mexico karena geu ba sabee cukup that jai bit.

Di Mexico seubeutoi jih na kada nyang jeut ba meu bacut, ukuran glah keu bakong lagee ganja dan na ie boh asee, ie mabok, seureuta ubat. Na nyang han ji drop le peulisi Mexico. Tapi meunyoe ka ta jak blah Amerika, laju ji beureukah teuh.

Nek nyan pih kon Cuma narkoba saja geuh, sampe beude na sikrek geulhat bak keuieng. Aleh kiban hie ureung mabok na budee saja geut that glie teuh. Nyang peurle peugah nek tuha nyang umu 94 thon, karap saboh eumpang ganivo geu mee sabee mabok.

Lheuh ji drop dan ji dampingi le awak HAM, Nek nyan Cuma ji hukom peut uroe sagai, keu masa percobaan. Seubab bak ji ingat umue hana trep le. Pu lom meunyoe lam masa tahanan ka suah ba plueng u rumoh saket. Meunyo kira-kira hana saket nyang brat dan mantong panyang umue, ji tamah lom hukuman keu nek nyan. Atawa ji ba keudeh u rumoh jompoi u Mexico City.

Watee ji drop le peulisi perbatasa Mexico, jikheun le peulisi perbatasan, "Carong that mafia antara negara di amerika model olah ureung tuha, mangat bek brat hukuman dan hana resiko."

Nasaja kiraju. Abu West peu ek berita nyoe, lheuh geu nonton berita bak tiphi Amerika beuklam.

Share this post