That Geu P'uep Daih. Di Israel Ganja Ji Ekspor, Di Aceh Meutapula Han Ji Brie

Nasaja Berita – Israel, Ganja padahai nyang leupah that get kualitaih di Aceh, tapi ka awak Israel nyang meuraseuki röt ganja. Di geutanyoe Aceh, bek ta kheun jak ekspor, ta pula mantöng ji drop. Awak gampong Apa baroesa ji drop sit. Kön wap ji pula, ata ji timoh keudroe di keu rumoh. Ka troh peulisi jak drop. Alah pih cuma si malam lam penjara kira ju.

Dewan sideh di Israel lheuh ji peutrön boh thek thok kiraju, ngön ekspor ganja na tamöng peng karap troh peut Te (4 Triliyun) kiraju. Ukuran meunyoe ta jep kupi ngön peng peut Te, saboh gampong ureung ta undang, suah jep saboh dron sapoe kupi. Nyan pih han troh meu si Te pih kira ju. Beutheng pruet-pruet tan jeit keu buet.

Di Israel sideh ganja ji peuget keu ubat. Makajih ji brie ekpor. Ka ta kheun kön ji peugöt keudroe ubat, ji ekspor bahan ji peugöt le nanggroe gob. Keu ubat keubiet nyoe. Di Apa Aceh, bek ta kheun keu ubat mangat puleh saket gob. Keu droe geuh geu p'iep, atra hana saket jeut keu saket. Ukuran ji teumee reuneng geuh meu dua malam. Pu bhaih roh.

Ji peugah le senator Israel nyan, aleh soe nan pih si gam arakate nyan, nyang pokok jih kalinyoe awak Israel suah pula ganja beu le. Get that keu ubat. Bek peu saban bak naggroe tanyoe beh. Nyan Apa Raban peuingat. Meunyor hawa meunan jak u Israel ju keudeh. Meuhan yu jak awak Israel keunoe yu duek keu anggota dewan, bah jeut ji peugöt undang-undang ekspor ganja. Nyan hana ta ragu neu kira ju. Ijo kaya awak Aceh. Dum nyang ka ji ekspor u Medan, Jakarta ngön u Malaya, leupah na teuh kaya jih dum. Talo toke campli neu kira ju. Si thon siploh boh toko ji bloe. Rumoh ube-ube seumijid ji peugöt.

Keu sumber berita bak cnn neu kalon, ata luwa nanggroe. Meunyoe bak situs berita awak droeteuh Aceh lam basa Indoneh, bak klikkabar pih na ji tuleh le awak nyoe.

Share this post