Kop Bereh Prabowo, Jak Bak Tsunami Aceh, Netizen: U Sp. KKA Pajan?
Nasaja Berita - Banda Aceh, Pak Prabowo seulaku capres neugara Indoneh troh geu jak u Aceh kalinyoe jak ikot peringatan tsunami. Meunurot info, undangan dari Panglima GAM awai, Muallem droeteuh.
Meunurot Apa panto lam uroe nyoe, Prabowo bereh that, na bagi sumbangan keu aneuk atim lom. Pu keuh yatim wap tsunami awai, atawa yatim lheuh nyan hom, nyang inti jih aneuk yatim ilee. ken cukop meutuwah neu kira ju.
Nyoe Apa peuggah si ge teuk, Apa tuleh bhah Prabowo, pah ban lheuh laptop. Baroesa wate troh Jokowi reuloh layeu laptop. Padahai leupah le ta keuneuk tuleh neu kira ju. That saket. Ta tuleh jinoe, ka basi, han ek le ta mamam. Hai meunoe seubab nah, bek sampe ji peugah Apa hana tuleh bhah Jokowi. Apa independen that neu kira ju, ukuran lagee awak JSC masa konflik dilee. Ken na awak Jenewa Swiss awai seukitaran thon waribedua jameun, nyankeuh nyan dum independen neu kiraju.
Teuman Apa panto bak pesbuk, nasaja ureung komen salah saboh jih cukop meusaneut. "Nyan bak tsunami ka troh, simpang KKA ngen Betuong Ateuh pajan troh?" Teuman ken nyoe bet meusaneut komen. hana meuho-hoe teuingat teuh neu kira ju.
Jadi Pak Prabowo troh bunoe beungoh, ngen kapai teureubang geujak. Geu tren di bandara Sultan Iskandar Muda, Blang Bintang. Nyang hayeu jih, bak jalan ji sambot le spanduk, bahwa ureung Aceh hawa keuneuk deungo Prabowo beut di Aceh kalinyoe.
Acara awak Prabowo di Lampulo bunoe, meunyoe UAS di Peukan Bada, jadi pisah-pisah hana meusige dan meusaboh teumpat. Di Lampulo, Prabowo geupeugah, bangga that gkeu ureung Aceh neukira ju seubab ek bangkit keulayi lheuh tsunami nyang leupah raya ie laot jak saweu bumoe.
Lheuh di Lampulo, geu jak u Siron bak kuburan massal. Aleh na geubaca do'a hom. Sang na, seubab Apa hana troh jak u Siron le, Da Mulah talipun yu puwoe eungkot, ka abeh eungkot la kolokaih. hai meunoe Apa peugah sang na meudo'a, pu but sit u kuburan meunyoe ken jak meudo'a.
Teuman lagee haba itu ju, ureung Aceh na nyang meuh'eut Prabowo troh jak u kuburan korban Rumoh geudong di Beutong Ateuh awai, atawa korban Sp. KKA masa konflik jameun. Hai nyan hawa gob hawa ureung komen, ken macam-macam dum hawa. Lagee hawa ladom ureung keu nak deungo Prabowo beut, seulaku Capres hasil ijtima' seubagian ulama di Indoneh.
Anda kalo mau bikin berita hati2..terutama sumbernya harus jelas..cari uang boleh aja tapi ingat jangan sampai memfitnah seseorang tanpa sumber yg jelas..ingat kantor polisi bayak yg masih kosong.
ReplyDeleteAlah na droeneuh nyang peuingat bang ijal hai. Awak nyoe meusidroe tan peuingat Apa lam bhah nyoe. Sabah, terimonggaseh meuluwah that raya neukira ju.
Delete