Hana Jadeh Kaya Awak Aceh, 510 Kg Ganja Hana Lewat Kalinyoe
Nasaja Berita – Banda Aceh, Hana can, golom meupu sapu ka ji drop awak Aceh nyang keuneuk ba ganja u Jawakarta. Bang Fahry sidroe awak Lueng Bata, bang Jufri awak Indrapuri dan bang Fauzi awak Kuta Malaka. Neukira ju suah ta peubang kalinyoe. Hana cilet-cilet. Seuteungöh ton ganja sajan geuh.
Rupajih ka ji drop dari uroe Jum'at, teuman Apa Raban bunoe lheuh Asa baro meubaca koran bak Serambi. Dum awak Serambi pih bunoe baro ji peu ek berita, seubab uroe Minggu baroe Kapolresta Banda Aceh peugöt konferensi Pers. Apa hana meuteume jak baroe. Jeh Da Mulah lakee jak u glee. Kakeuh suah ta ba si gö-gö, jak meuramien u glee, bek u blang sabee tiep uroe.
Geupeugah le Kombes Pol Trisno Ritanto SH, nyan awak nyan jaringan antar provinsi. Hana kureung sagai, kön tingkat gampong lagee awak nyoe bak pante jaga. Tapi tingkat provinsi jadi wajar meuton-ton. Ukuran si gö leupah, ek bloe toko saboh re sapoe. Lagee awak nyoe keurija di gampong Apa Raban. That bereh kira ju. Di Apa Raban, abo lam blang meupeubloe keunureung peularha itek toh boh. Saboh-boh eumpang, waploh ribee sagai. Meu keu sabih bungkoh rukok GudangGaram rap-rap han meureumpök neukira ju. That geu soh min dih.
Jadi phon ji grak buet le awak Polsek Lueng Bata , lheuh nyan geu peu ek laporan u Polresta Banda Aceh, meu ji kirem teuk pasukan anti-narkoba. Beh hoe keuneuk plueng lom teuman awak bang Jufri, bang Fahry ngön bang Fauzi. Han meuteumee raba silop, ka ji drop. That teu böh teuh. Sang kira hana ji drop, ijo kaya awak nyan. Awak nyan nyang kaya, awak Jawakarta nyang mabok. That phak biseunis ureung meukat bakong ngen sabu-sabu.
Nasaja neukira ju. Nyoe Apa Raban teulat update berita, bek weuh neuh. Teungöh meupeuseunang Da Mulah siat. Han ek ta deungö meupep-pep tiep supot. Geupeugah hana cinta teuh le keuh, wap ka lahee aneuk keu peut. Hana geuteupu, cikong rueng teuh lam blang bak ta ceumatok, siet keu ta peuseunang hatee Da Mulah teuh si urat teuk. Teuman bek neupeugah bak droe Da Mulah, hana mangat sagai. Takot geu tamah jatah keu Apa Raban, ka suah pre tuleh berita, wap laloe ngön Da. That geu peh t'em hana meupat-pat ka meu cureuhat neukira ju.
0 Response to "Hana Jadeh Kaya Awak Aceh, 510 Kg Ganja Hana Lewat Kalinyoe"
Post a Comment