Bunoe Suboh Leupah Jai Spanduk Yu Beut Qureuan Prabowo

Nasaja Berita – Banda Aceh, Uroe nyoe rupajih na troh Capres (Calon Presiden) Neugara Indoneh u Aceh, dari lumboi dua. Prabowo Subianto. Teuman meunyoe nan Prabowo Subianto kön hana suah ta peuturi le bak ureung Aceh. Dari jameun masa keunöng teupuk jameun bak teuntra Indoneh. Urueng hana ta turi bak masa nyan, nan sagai ta tusoe.

Teuman jinoe hana pu ta ingat keu masa nyan, kheun awak nyoe nyang muda-muda, "yang lalu biarlah berlalu." Lagee Apa ka trep hana leumah, ji tamöng sidom lam layeu laptop, si gö ganto, hana kureung bak nam reutoh ribee. Kakeuh berlalu ju, seip min dih neu kira ju. Peng lama ta meukat saboh moto Datsun boh putek lam minet phak jih keu laptop. Böh bek le ta peugah, ka berlalu.

Woe bak berita, nasaja neukiraju. Watee bunoe Apa tes kalön-kalön berita bak gob, rupajih na berita spanduk sambot Prabowo. Asoe spanduk yu tes beut Prabowo. That geu peh t'em jih. Aleh pu ji tuleh, inti jih nyang Apa meuphom, ureung Aceh hawa deungö Prabowo beut Quruan. Sampe leuhoe uroe, Apa mita bak pesbuk atawa bak berita hana haba sapu lom untuk bhah Prabowo  beut.

Sinoe neu klik neu baca Prabowo jak saweu Aceh

Meu dum ta lake Wali Nanggroe Paduka Yang Mulia Wali Nanggroe Malek Mahmud Al Haytar Peukasa Alam Nyata ngen Maya pih hana pat ta kuep lom. Teuman ta preh Prabowo beut? Lagee ta preh boh itek wareuna boh gadong sang. Suah meuhajat saboh seumijid teuh sapoe.

Apa tanyong bak droe keu droe, pakön na ureung lakee Prabowo beut Qureuan? Pu seubab nyan Capres Neugara Indonesia hasil Ijtima' Ulama, maka harus ta kalön pu jeut geu beut di beliau nyan. Sang meunan, tapi hom sit lah. 

Apa hanjeut that komen beurangkapu keu Prabowo neu kira ju. Ka neu tu'oh keudroe kiban, nyang hana tu'oh tanyöng bak nyang tu'oh. Nasaja neu kira ju. Lom pih Apa Raban hana teupu sit pu acara Prabowo jak u Aceh, suah mita info ile beu sep lom. Mangat ta tuleh lom eunteuk. Ka get layeu laptop, han Apa peulheuh angen le meu kira ju.

Share this post