Ayah Merin Masa Konflik DPO, Nyoe Pih Ka DPO Lom Kiraju

Nasaja Berita – Banda Aceh, Hana can awak geutanyoe kalinyoe. Lheuh ji drop Irwandi teuh uroe nyan ,hana glah-glah lom masalah, abeh ubee na nyang meuhubong kaet, ji ramah le KPK atawa Peulisi neu kira ju. Kalinyoe Ayah Merin droeteuh ka DPO lom. Ka ji seutöt le peulisi. Seutöt beh, kön seumeutöt. Suah ta peugah beujeulaih seubab nah. Eunteuk ka na ureung komen hoax, peugah seumeutöt. Padahai seutöt ta tuleh. Teuman hana get jeut meubaca basa Aceh nah, ka biasa baca basa luwa nanggroe. That reulöh teuh.

Meunurot info nyang ka Apa teume dari media-media dari baroe. Ayah Merin atawa Izil Azhari nyan ka ji teutapkan seubago tersangka le KPK gara-gara kasus gratifikasi pu aleh, hana that Apa teupu sit. Nyang na teuingat Apa sit tok gravitasi, rhöt boh mamplam bak tanöh. Meunan geu peurnoe jameun le ibuk guru bak sikula.

Nyang pokok jih kasus korupsi. Teurimong peng. Nyan rakan-rakan Apa, beu get-get that meunyoe na ureung jok peng keu droeneuh, bek neu ramah ju. Eunteuk ka ji drop le KPK, ka DPO, lagee masa konflik jameun. Han ek ta khem neu kira ju.

Nyan ban neukira ju. Meunurot info, KPK kalinyoe suah lakee tulong bak peulisi Aceh jak mita Ayah Merin. Seubab hek ji mita le KPK hana meupat lom. Di Ayah Merin pih neukira ju, ka dari jameun ka DPO. Jameun ji seutöt le tentra, masa konflik, seubab na roh lam seuh jama'ah GAM. Kalinyor ka DPO lom. Pu di Ayah pih. That meu DPO ka buet geuh jinoe.

Di Babg Wandi Apa pih hana bereh-bereh lom. Ka padum buleun ka. Meunyoe ka salah, sak lam keurengkeng ju. Meunyoe hana salah, puwoe bak söt keunoe. That rindu teuh ka keu BW. Hana gata, hana karu-karu.

Nyoe sumber ajnn beh, bek eunteuk ka meudaleh keu Apa. Apa cuma jak rawi lam basa Aceh lagee haba keude kupi sagai. Nasaja neukira ju.

Share this post