Alah Na Bang Irwan Johan, Meuhan Ka Jadeh Meuramah Apa Raban
Nasaja Berita – Banda Aceh, Seip paih kira ju. Lheuh suboh bunoe Apa tuleh berita bhaih APBA ka ji sah kan le DPRA. Hana tanggong-tanggong, tujohblah Te. Eror kolotor teuh meunyoe ta teugön.
Jadi bunoe roh meutuleh, lam berita nyan, meunyoe awak dewan tiep rapat na peng tamöng lheuh teken absen. Kön lagee tanyoe rapat lam gampong, kupi sikhan glok bada siblah sapo keu teumön ie. Rupajih ka kön meunan. Sabanagee tanyoe sit. Leubeh bacut ureung nyan kupi saboh glah, aqua saboh plok ukuran sedang (bah pih kadang merek jih cleo, aqua sit ta kheun), kueh saboh kotak, ukuran lhee krek asoe. Risol, kacang, kueh lapeh sagai kadang.
Ho ile, bak sang jeut ta lobi bang Irwan keu Da Mulah. Bah geupeugöt kuweh keu dewan tiep rapat. Ka hana le that, ka seip keu beulanja lah. Apa pih kajeut tarek rukok lom hana suah hemat le lagee lawet nyoe. Baroekön rukok Samsu itam ta p'iep ka suah trön pangkat keu Madonna. Rukok MD. Tok bak kioh si Pan bak simpang jalan rumoh Apa sagai ji meukat. Laen sit tan. Ukuran matee jih, ka tan meupat bloe rukok le Apa. Nasaja neukira ju.
Teuman kön cuma nyan geupeugah le Ampon Irwan Johan. Dum nan peunteng rapat APBA keu nanggroe. Meu sikhan geudong han punoh ureung. Le kursi kosong ngön nyang na ureung. Aleh wab keuneuk tahun baru, aleh pu. Atawa kadang na seunujoh di keu rumoh. Ka awai geujak samadiah, hana ta tu'oh sit. Nyan haba Apa beh. Kön haba bang Irwan. Bek eunteuk ka meudaleh keu gobnyan. Han ek ta peuglah h'iem lon nyan.
Adak meunan-meunan na laba sit meunyoe hana ramee nyang jak rapat. Kupi jeut tamah, kueh meuteume dua boh kotak. Boh kayee nyang ka ji balot nyan pih jeut pileh. Pu keuh boh salak, mangat bek bagah ciret, atawa boh limo, mangat bek meukayap babah. Meuhan boh anggor nyang meuhai si angen. Teuman meunyoe le that ta pajoh boh anggor sira ta jep kupi, bek ta kheun suah preh abeh rapat. Ukuran sibak rukok ta tarek ka suah plueng keudeh lam kakoih jak meulapor. Hai nyoe biet Apa peugah. Han neu pateh ci tes. Meunyoe hana peng bek jak meugaya pajoh boh anggor. Pajoh boh-boh rambe mantöng, sikilo saboh bungkoh rukok panamaih sagai.
Nyankeuh nyan ban hai rakan. Ji teume silap sit Apa. Nyan na peugah droe jujur peugah lagee na lom. Seip male teuh, karap hoax kiraju. Ta pike nyoe keuh meunan, rupajih ka kön lagee ta pike nyan. Beu jeut keu pelajaran. Alah na bang Irwan Johan droeteuh. Jeut meudeh meunoe nah. Nasaja kiraju. Gara-gara salah ka meutamah berita saboh teuk uroe nyoe. Padahai tanggai mirah, jaduwal jak jalan-jalan ngön Da Mulah.
hehehe that lucuuu
ReplyDelete