Waled Husaini Yu Top Keude, Nasional Meupep-pep, AcehTabek

Nasaja Berita — Jantho, Waki Bupati Aceh Rayek kalinyoe that jisorot le awak nasional, pu keuh netizen atawa wartawan. Hai nyoe hai, kiban han ile, geujak u keude-keude geu yu top seubab ka ji meusue azan.

Neukiraju, neu ba kayee si krak le Waled, neu peh meja yu top keude. Lagee ken ureung iseulam, kheun Waled. Jeh pat sue bang, hana deuh deungö, pu nasrani atawa yahudi? Nu boh yum bacut panggilan Allah.

Meunan-meunan lah kira ju.

Teuman di awak nasional watee ji baca berita nyan bak detik ken pun nyang na ju icroh. Ji teunak Waled meuseuop neu kira ju. Teuman seubab lam basa Indoneh ji teunak, hana meu tajak peu nyum pih. Ken nyoe meunan?

Sinoe neu klik neu kalon Video kiban aksi Waled 

Hai na nyang tanyong neu kira ju. "Nyan geujak let gob seubab azan, yu jak seumijid. Droegeuh tan geujak, laloe bak geujak let." Lam basa indoneh nyan. Apa Raban hana get jeut basa nyan neu kira ju. Dum lam masa konflik, ji teume teupuk le tantra jameun, gara-gara salah ku jaweub, watee ji tanyong, "Ada berapa orang GAM di desa ini?" Roh Apa Raban jaweub, "Tidak kubilang hai", nyang meukeusud "Hana ku bileung hai". Teuman lagee haba itu ju. Preee ji teupuk, sang rasa jih keumong muka, han let helem. Alah na Pak Geuchiek nyang tulong.

Beh ka, nyan haba awak nasional. Han neu pateh neu baca keu droeneuh.

Di Aceh, Waled that ji pujo. Seubab beuhe lagoina jak sidak meunan. Sampe-sampe trok awak dewann pun ji pujo Waled, nyang bahwa susah that ta teume model pemimpin lagee Waled jinoe. Bah pih waki, tapi cukop ligat bak peukara sidak syari'at Islam.

Sinoe neu klik neu baca ata Bupati Bireuen peulaku

Jinoe siat ka na dua droe ilee bupati atawa waki bupati nyang na meunan-meunan untuk uroh Syari'at Islam. Padum buleun u likot Bupati Bireuen. Ngen surat edaran, bhah duek jep kupi non muhrem.

That meutuwah neu kira ju. Teuman lagee haba nyan, adak beurangkaban ta pubut. Na sebagian nyang pujo. Na sebagian nyang hujat teuh. Kakeuh meunan-meunan ju.

Share this post