Ujeun Tunjai, ie Krueng Puok, Gampong di Pidie Ngen Pidie Jaya Banjir

Nasaja Berita – Sigli, Nyan neukalön syedara meutuwah ka musibah lom syedara-syedara geutanyoe di Pidie dan Pidie Jaya. Ujeun get that tunjai neu kira ju lam padum uroe nyoe. Ukuran ulak ie krueng, sampe keudeh lam gampong.

Meunyoe di Pidie ie kruenh Meuriam Tangse, krueng Tiro, krueng Teupien Raya ngen krueng Baro. Kecamata Tangse, Keumala, Sakti, Mutiara Timu, Geulumpang Lhe, Geulumpang Baro, Geulumpang Tuha (eh, hana hai kecamatan nyan, bak ka mangat tuleh kakeuh meuka ji teubiet ju neukira ju. Nasaja kupeugah), Mila, Delima Peukan Baro, sampoe keudeh u Kota Sigli banjir.

Tapi bek neu kira mansaboh Pidie ka teu döng ie hana meunan sit. Nyang keuneuk peugah, sibak panyang krueng-krueng nyan ji ulak ie lam gampong. Han ek bendung neu kira ju nah. Meunyoe di Tangse lam-lam glee banjir, teuman ken hana ta tu'oh peugah. Hai lagee gamping Peunalom pih banjir. Peunalom? Hana le, bek ke neutanyöng, ken nyan nah. Nyan nan gampong, ken soalan, peunalom, peu hana le. That na teuh Apa Raban nyoe.

Tangse asai ka ujeun raya, ka banjir. Han meu ta tu'oh meu peugah pih. Tiep thon ,hana solusi sapu pih. Kakeuh meunan-meunan ju. Ka koh lom kayee lam uteun beu abeh. Mangat jadeh meu gulong gampong-gampong gob. Hai nyoe hai, seubab awak koh kaye biasa jih ken uryng gampong. Toke aw luwa, nyang keurija meunyoe naroh awak gampog si droe dua. Ta harap yu drop bak Peulisi Uteun, pu ta harap. Na can ji drop peulisi-peulisi lam uteun le bandet-bandet teuboh nyan, dum. That rusak ka ureung neu kira ju nah.

Meunyoe di Pidie Jaya daerah kecamatan Pante Raja banjir. Na padum-padum boh gampong, lagee gampong Teungoh, Tunong, Hagu, Lhok Puuk sit ka abeh ji tamong ie lam rumoh.

Teungoh malam ji ek ie. Beh panee teungeut ta eh teuman. Ukuran bak ta bayang manteng, Apa Raban manteng hana mangat eh malam nyoe. Alah Mak aneuk miet ka teungeut ,bak ji preh Apa Raban bunoe ken. Teuman bek neupeugah-peugah bak Da Rameulah gata beh.

Na can han le meureumpok jatah. Takot ji yu meukawen teuh ngen web berita nyoe. Padahai thon ukeu ka ta target tamah si droe teuk. Bek sampe reuloh program neukira ju. Nyang tulot ka rao jeut tamong TK, teuman ken ka jeut tamah lom. Alah teuh, aleh hoe-hoe ka jiplueng berita. Nasaja neu kira ju. Nyan neu panto beu get that. Bek sampoe ji sampoh gampong le ie raya, tanyoe gabuk ngen bhah Wali Nanggroe atawa bhah Jokowi-Prabowo. Meu manfa'at tan neu kira ju.

Share this post