Sandiaga Troh U Aceh, Beurteh Rame Ureung Jak Sambot
 |
| foto Fb Mulkan Syarif |
Nasaja Berita – Banda Aceh, Kop bereh kira ju ureung Aceh, trok Sandiaga Uno, calon waki presiden Indonesia nyang meupasang ngen Prabowo (mantan Danjen Kopassus masa DOM awai) u Aceh, beurtoh ramee ureung jak sambot. Karap-karap sadum ureung ngen jak sambot Useutad Abdul Somad awai, ken na? Nyankeuh nyan dum neu kira ju.
Nyan baroe troh, Apa Raban seungaja hana meujak tuleh baroe, bek ji kira awak kampanye Sandi. Seubab bagi Apa Raban han ek jak pakoe that ata bhah Jawakarta. Hana pu tajak meu abeh, hana ji jok peng pih neukira ju nah.
Teuman pu but Bang Sandi jak u Aceh? Pu neutanyöng lom, sit ijak kampanye. Jak peuleumah droe bak ureung Aceh, bek meumada kalön-kalön bak internet.
Ukuran kalinyoe, keturunan Raja-Raja Aceh jak sambot. Nyan dum hebat bang Sandi bak mata ureung Aceh kalinyoe. Meunyoe keubiet hebat pu hana hana that Apa Raban tu'oh sit. Hana troh tajak lom tajak kalön, 'oh teh bereh di beliau nyan.
Han neu pateh sinoe neu klik, that le foto sajan Ulama bak hotel.
Na sit jak duek meureumpök ngen ulama-ulama rayek di Aceh. Biasa lah nyan, asai ka karap pemilihan jak bak ulama. Saboh buet jroeh nyan. Bek ta kheun Bang Sandi, meudum awak meukat saka lam gampong, watee ji keuneuk ek caleg, sit bak Abu phon di jak. Teuman di Abu seubab ureung gleh atee, geu idin dan geu meudo'a supaya jroeh. Sit ka meunan. Hana suah baper that saree, meunyoe haba aneuk muda jinoe.
Nyan keuh nyan dum ureung Aceh meusetia keu Jawakarta neukira ju nah. Ban beurangkaban, pu beurangkapu. Lagee haba itu ju.
0 Response to "Sandiaga Troh U Aceh, Beurteh Rame Ureung Jak Sambot"
Post a Comment