Nova Iriansyah: Ulama Dayah Beu Teuga Neu Kritik Kamoe Pemerintah
Nasaja Berita – Banda Aceh, Alhamdulillah that beuklam, malam Minggu (24/11) acara pembukaan MUBES HUDA atawa Musyawarah Besar Himpunan Ulama Dayah Aceh ka jadeh acara. Get that ramee ju Abu-Abu, Abi-Abi, Waled, Abati, Abiya (pokok jih nyang meuneuhöi ulama di Aceh) nyang troh u Banda untuk jak hadiri Mubes. Nyan meunan kön cukop brat galak teuh. Ta kalön ulama-ulama geutanyoe geumeusaboh droe nibak acara sabe-sabe ulama neuh.
Acara nibak hotel Grand Aceh Syari'ah, Lamdom. Toe deungön simpang lampu mirah Batoh. Meunyoe dari Simpang Surabaya nyang na Daphu Kupi nyan, keudeh u arah Lampeuneurut ju. Trok simpang lampu mirah neu wet wie. Bak ujong jalan Amd nyan wet uneun, langsong leumah hotel nyan. Meunan Apa Raban peugah, kadang soe na hawa neujak, jak kalön.
Beuklam acara HUDA geu buka seucara resmi le Ptl. Gubernur Aceh, pak Nove Iriansyah. Geupeugah le beliau, seunang that kalinyoe ka sajan ulama-ulama dayah. Adak meujeut sit beuseureng-seureng di beliau nyan sajan ulama. Meunyoe roh neu teumanyöng lam hatee atawa pikiran neuh pakön Plt nyang jak, kön Gubernur Irwandi langsong. Hana Apa Raban teupu jaweub sit hai nah.
Neu klik sinoe mantöng neu kalön keudroe, pi bhah di Bang Wandi geutanyoe.
Jadi lam sambutan dari Plt. Gubernur watee geu buka dan geu resmikan acara, pak Nova juga geu lakee kritik dari ulama-ulama Aceh teurhadap pemerintah. Kritik beu garang, dari ureung-ureung dayah, supaya Aceh maken bereh laju-laju ukeu. Seubab kritik ngön saran nyan cukop that peunteng. Brie masukan seugolom ta peulaku, ta neukawai seulama ta jalankan.
"Nyoe lawet nyoe, ulama rayek that jasa keu Aceh. Meulalui MPU, ka ramee ulama dayah. Nyoe ka na HUDA beu jeut sit keu ureung brie masukan keu pemerintah. Seubeutoi jih kön lawet nyoe, ka jameun masa keurajeun Aceh, Ulama sit sajan pemerintah untuk saban-saban bangun nanggroe." Meunan leubeh kureung haba pak Nova lam acara nyan. Seutelen pak Nova beuklam, meunyoe ta kalön sang na tinggai lam dayah meu tujoh thon neukira ju. Ngön ija krong meunan, Allahu ku peugah. Beurtoh barang.
Acara ka resmi neu buka le pak Plt. Gubernur, jadi acara MUBES sampe uroe Senin beungöh bak hotel nyan. Keu pemilihan eunteuk malam. Meusigö ngen acara useutad Abdul Somad bak Seumijid Raya. Ceuramah mulod.
Penutupan MUBES keudeh u dayah Thalibul Huda, Bayu. Meunan neupeugah le Abi Bayu beuklam.
Bak Apa Raban kheun keudeh sang kön jioh that-that ju nah. Padahai meunyoe dari hotel Grand Aceh, ukuran ek ta jak ngön tapak. Han ji teume putooh silop teuh. Kadang han meu ueh silop teuh pih neukira ju. Ukuran jarak 300-400 mete sagai leubeh kureung, kureung leubeh. Seubab Apa pih watee meujak, hana roh meu ba mete jak uko jalan. That na teuh.
Bak Apa Raban kheun keudeh sang kön jioh that-that ju nah. Padahai meunyoe dari hotel Grand Aceh, ukuran ek ta jak ngön tapak. Han ji teume putooh silop teuh. Kadang han meu ueh silop teuh pih neukira ju. Ukuran jarak 300-400 mete sagai leubeh kureung, kureung leubeh. Seubab Apa pih watee meujak, hana roh meu ba mete jak uko jalan. That na teuh.
Pokokjih peugah ubé but, pubut ubé peugah
ReplyDelete