Hana Meupu Le Di Ibuk Bapak Guru, Karu Ngen Pak Kepala, Han Tem Meungajar
Nasaja Berita — Singkil, Nyan neu kalon di ibuk guru ngen bapak guru dum, ka han geu tem le mengajar bak sikula SMK nyan gara-gara hana pah ngen pak keupala sikula. Pu na masalah? Sayang teuh keu aneuk murid, meunyoe hana neu meungajar hai ibuk dan bapak. Bah pih aneuk miet that galak jih meunyoe hana belajar.
Rupajih ibuk guru geu demo pak keupala, supaya pak keupala jak blah deh pageu ju. Atawa meunyoe lam basa leubeh haloh, kajeut tiek andok. Bek le jak duek keu keupala sikula. Gara-gara leubeh geupike keu droe daripada keu sikula.
Surat kalheuh keu culok u dinas, maka jih kalinyoe geu peuget demo. Model döng bak pageu sikula, top babah ngen plasiban itam. Nyan meunyoe na bapak guru nyang meu misee neukira ju, na can teu löt misee-misee geuh bak geu pluek plasiban. Nasaja neu kira ju, that na teuh nah.
Meunurot ibuk guru, kepala kalinyoe, galak that peu susah guru. Le that pu geu yu peuget, sampe-sampe na can ji teubiet ciret-ciret guru ngen guru honor dum bak peu bereh adm sikula. Han bereh-bereh neu kira ju.
Teuman di bapak Kepala, nyang na jeut geu komen, "nyan meunan cara jak demo, lagee ken guru. Guru adak meudeh ken beu jroeh. Beu jeut keu teladan murid. Meunyoe demo meunoe, ka hana meupu hie ju, nah."
Meunyoe meuheut that keunruk ganto lon bak sikula nyoe, hana payah demo. Preh ji mutasi le dinaih manteng. Meunan geupeugah le Pak Lah, Saifullah nan geuh. Teuman ken Pak Lah ju, mangat mudah ta kheun.
Kakeuh meunan-meunan ju. Nasaja berita neu kira ju. Seubab nasaja keujadian. Hana meu ta tu'oh peugah pih nanggroe.
0 Response to "Hana Meupu Le Di Ibuk Bapak Guru, Karu Ngen Pak Kepala, Han Tem Meungajar"
Post a Comment