Karu Lam Penjara Lambaro, Bang Napi Plueng Röt Blang

Nasaja Berita – Banda Aceh, Nyoe kalinyoe berita watee Apa tuleh lam keuadaan meukhöt-khöt tuot. Bek neu peukhem beh. Seubab meunuror info warga sinan, ji cok honda ureung. Di Apa Raban honda sit tok nyan saboh, golom abeh kredit. Teuman meunyoe ji cok le bang Napi. Ka suah ya creu ngön tapak watee tawoe. Jarak pih, kön toe that, jiteume putoih silop teuh, neukira ju.

Pak Peulisi ngen sipir teungöh ji let bang Napi nyang plueng dum. Hana meudum droe lom padum droe nyang plueng, dan hana meupu seubab lom seucara pasti, pakön ek karu, sampe abeh gadöh dum bang Napi lam penjara. Nyang pasti, na video nyang geu rekam le ureung gampong, ret blang dum ji plueng bang Napi, meu ploh-ploh droe awak plueng. Bunoe meugreb keujadian. Na rakan Apa Raban nyang kirem video, tapi ka teulat Apa Raban kalon si angen.

Watee Apa Raban tarek gaih honda u Lambaro bunoe, ubee raya sue moto wie wie wie, bagah-bagah Apa gese u wie ,bek ji peu pök. Rupajih peulisi that jai ngön moto bunoe.

Geupeugah le ureung hinan, beuleuheun bek sampe watee that neu mariet ngön ureung rupajih ka bang Napi. Na parang, sikin atawa sadeup sajan awak nyan. Bek eunteuk Apa Raban pik ureung woe keumeukoh, ka ji koh taku, hana meupu sapu. Nyoe na sue beude mantong neu kira ju. Lheuh han lheuh bak ta tuleh berita paleh nyoe.

Dari pihak penjara dan peulisi golom geu konfirmasi berita nyoe. Han meuteume konfirmasi lom, teungoh gabuk. Nyoe nyang susah Apa Raban takot ji meusom lam rumoh ureung. Atawa lam pesantren MUQ Pagar Air, seubab toe that nyan ngön penjara. Adak meu ijak aphai qureuan ka hom, nyoe tatakot ji jak peukaru aneuk miet ngön ustazah sinan. Ka paloe teuh.

Eunteuk watee ka meutamah jelaih berita Apa Raban tuleh lom beh. Nyoe watee ta tuleh, mata that waspada neunkira ju. Wie uneun, yup ateuh ta keumalon, asai na lewat ureung, suah mat gunci honda, that ji peu toe, ta top ngön gunci honda bah talak jih.

Nasaja keujadian, yö gob-gob neukira ju.

Share this post