Ka Roh Ji Beureukah Peulisi Le Peulisi Laen, Gara-Gara Saka Mabok
Nasaja Berita – Bireuen, Pu ka lom nyan? Troh berita bak Apa Raban, sidroe peulisi di Bireuen, buet sampingan publoe sabu-sabu. That reulöh teuh. Baroe berita caleg di Pidie ji muek sabee dan ji drop le peulisi.
Nyoe kalinyoe ka Pak peulisi teuman. Oknum peulisi nyoe ji drop di kawasan Matang Glumpang Dua uroe hameh baroe, seugolom leuhoe. Pangkat geuh Brigadir meunurot info, keu nan, suah ta som ilee siat, dang-dang na konferend pers dari pihak Polres Bireuen.
Meunurot info, Pak Peulisi nyoe ji teupu le peulisi bagian Reserse Narkoba, watee peulisi teungöh pareksa ureung jidrop baroesa. Bak ji meulhuek peulisi, rupajih ka bucho, na ngön laen nyang sidroe peulisi. That geu p'ueo daih.
Watee ji drop di Matang, na barang bukti, sabu-sabu. Meunyoe Apa kheun, saka biasa jih atawa sabee. Tapi kön udeung sabe laot
Le that keujadian sang di Bireuen baroe. Neukira ju baroe Apa Raban peu ek berita bhah Bireuen, aneuk sikula ji seumeurhom bak jalan.
Lheuh nyan bunoe Apa peu ek ata keujadian lagak di Bireuen, ka udep lom karang taruna. Ji peugöt acara donor darah, lam rangkaian keugiatan mulod, di Matang.
Jadi geupeugah le pak Kapolres, Pak AKBP Gugun Hardi Gunawan SIK meulalui Kasat Resernarkoba Ipda Nazir geupeusan bak awak jurlieh, yuk jak nibak uroe Seulanyan tanggai 3 Desember troh nyoe. Bah mangat ta peujeuilah mandum info, lam konferensi pers. Meunan info nyang geusampaikan le Pak Ipda M. Nazir nyan lam grup WA Info Kriminal Bireuen.
Apa hana roh lam grup nyan. Nyoe berita Apa cok bak acehsatu.com ata geutuleh le bang Fajri Bugak.
Kalinyoe Apa hanjeut that meupeugah lagee biasa, seubab peulisi nyang meumasalah. Takot-takot, lheuh Apa posting nyoe ka suah Apa peugöt konferensi pers laen. Peusoh keudeh neukira ju.
0 Response to "Ka Roh Ji Beureukah Peulisi Le Peulisi Laen, Gara-Gara Saka Mabok"
Post a Comment