Jalan Di Buloh Lagee Hana Teupu Sa, Pu Hana Le Bupati Hinan?

Nasaja Berita – Lhoksukon, Cukop tunue teuh kira ju watee ta kalon kiban jalan di Buloh Blang Ara ata awak nyoe upload bak facebook. Ta kheun hoax, han mungken. Sit awak sinan nyang upload. Ukuran nah jalan meunyoe ujeun, jeut peulheuh eungkot di teungoh jalan. Teuman ken meu'oh ju.

Meunyoe jeut ji meukubang keubeu, na di gob-gob. Bah pih hanjeut sit meunan. Hai nyoe hai, pakon Apa Raban peugah meunan, seubab nah nyan Aceh Utara kitra ju. Pu hasee alam nyang hana sinan ilee. Karap dumpu na neu kira ju. Dari jameun meunoe daerah nyan sit ji thee kaya. Daerah nyang ji thee kaya, keu masyarakat, ji thee gasien, That geu soh min dih. Nasaja buet di awak pike keu nanggroe. Teuman bak tan ji pike, sinan hana galak teuh neu kira ju.

Nyan jalan kalheuh ji aspal thon jiem jameun. teuma jinoe ube-ube kulam eungkot ka ruhueng jalan. Jeut peulheuh eungkot lam musem ujeun. Asai bek pakat peulheuh aneuk abiek-abiek keunan. Khak.

Padahai nah, meunyoe keu ta kira-kira, jinoe keuh awak dewan nyang jinoe keumeung ek caleg lom meuseunoh-seunoh pike keu jalan nyan. jak mita cara peu get jalan nyan. Tapi nyang deuh ta kalon ken nyan. Di Dewan pu keuh DPD atawa nyang laen, gadoh peugabuek droe keu Wali nanggroe. Di PYM Wali Nanggroe, seulow keudroe geuh lam istana, meu geujak boh pike tan. Pu lom nyang meuurusan pileh, angke dan gantoe Wali buet peutuha peut. Sabe-sabe tuha geuh hinan. Hana meu urusan pih ngen awak nyang karu bak koran. Pu lom nyang pakat-pakat meulhoe di keu umum bak statuih facebook.

Nasaja neu kira ju. Pu model nyan. Lagee la phelem India jameun nyang ji meu'en le si Mithun, gadoh pakat meulhoe. bek leumah that saboh letng ngen Apa Raban lah, beu meu aneuk muda bacut. Adak meu India India jameun jinoe lah nah. Hana meu lho-meulhoe le, nyang na meuseunoh-seunoh jak sikula.

Beh ka, ta gisa bak set dile. Nyan jalan pu keubiet, kajeut meunan-meunan ju. Hoe ka awak dewan, bupati. Meunyoe han le peugah. Bah Apa ek keu bupati. Lam si minggu lheuh Apa keurija keu jalan nyan. Asai beu na beko ngen moto gileng. Meunyoe meumada ngen cangkoi, Apa Raban keurija sidroe, bah Apa Raban ceumangkaoi la blang manteng. Nyan pulang pike ju keu awak Buloh beh. Ci peulaku lagee awak Punteut lam padum thon u likot. Supaya ji aspal jalan lam keude Punteut, kiban awak nyan peulaku. Punteut ngen Buloh ken hana jioh that, hana payah mita bak gugel, neu jak ju neu jak tanyong keudroe. Nyan lam kemukiman nyan, na meu lhee droe dewan lam kabupaten, pu hana rencana le woe u gampong?

Nasaja neu kira ju nah. That meuganggu berita nyoe saboh. Bak ta tuleh keu berita nyoe, jeh si Adoe ka leupie sare. ka suah pemasanan lom nyoe, That na teuh.

Share this post