Hapoih Leumbaga Wali Nanggroe, DPD Pu Hana Buet Laen? DPD Ta Hapoih Jeut?
Nasaja Berita – Banda Aceh, Macam dum di ureung geutanyoe neu kira ju nah. Ureung lam pemerintah, na lembaga droe saboh sapoe. Tapi gadoh lhoh lembaga gob neu kira ju. Hai ken hanjeut ta lhoh lembaga gob meunyoe nyan salah saboh tugaih droe. Bek sit laloe lhoh-lhoh ata gob, ata droe ka meukuluthuh hana roh meupakoe.
Male teuh ngen ureung nyoe nah. Seubab menoe Apa Raban peugah nah, bagi kamoe rakyat nyoe keubiet tan meuteupu pu buet awak DPD nyoe. Meunyoe awa nyoe nyang maen faceboo sit, ji tanyong ju pu nyang galak, ji tuleh ju pu nyang galak jih keu ureung, ukuran jeut teumeunak, meu facebook droe jih. Ta peuingat hanjeut, ji teunak geutanyoe. Hana saban lagee Apa Raban, watee teumuleh hana teumeunak. tanyoe ka tuha, buet jak u blang. That ta teumeunak, abeh padee teuh ji pajoh le geusong, kira ju.
Jadi nah, pakon ek sampe ureung lawet nyoe jak teumanyong meunan. Nyan tokk gara-gara berita Tgk Ghazali Abbas Adan seulaku anggota DPD-RI nyang komen lam Serambi, untukk yu hapoih kkeudeh Lembaga Wali Nanggroe, seubab hana fungsi. Abeh peng-peng nanggroe dum keunan. Buet tan meupue. Meunan lah kira-kira meunyoe ka ta teurjemah lam basa tanyoe gampong.
Teuman ken ka rame nyang tanyong balek lam komentar dan statuih bak facebook. Pu fungsi DPD dan pu buet jih, bek gadoh ji jak uroih gob. Seudangkan anggota PD sidroe teuk, Fachrul Razi, geu tem meuabeh peutheun Wali Nanggroe.
Nyang hireun teuh, di awak DPD nyan, watee awai ji meujanji nyang han i tamong lam ulee teuh pih. Hai teh keu cuntoh Apa Raban peugah, na nyang peugah keuneuk peudong kanto PBB sinoe di Aceh. Teuman ken ka ken buet ju, bek 'an lam igoe teuh i tamong, meu ngen punggong han roh ta pateh. Bah pih ramee sit nyang pateh bak masa nyan. ta kheun bangai keu ureung pateh, hanjeut. Ji teunak geutanyoe meusalop kira ju. hai keu cuntoh neu kalon keuh berita awak aceh hana luloih CPNS dum.
Jadi jinoe, gara-gara nyan, bhah Wali ureung ka teuingat keu DPD dum. Buet ngen fungsi tan meupu. Nyang na carong meupep-pep bak koran. Thon ukeu nyang ek calon DPD pih hana kureung sagai aleh 38 aleh 39 neu kira ju. Meu seunoh-seunoh ju keunan.
Nyang na leumah na buet bak DPD sit tok Haji Uma neu kira ju. Nyan pih jak puwoe-puwoe mayet TKI dari luwa nanggroe. hai kajeut sit ile, daripada tan. Nyoe Apa Raban ken jak kampanye Haji Uma beh. Bek eunteuk ka jak peugah Apa Raban kampanye Haji Uma, han ek ta khem. Pu lom teuingat teuh keu haba Teungku Kasem meukat ubat. Nasaja kira ju.
0 Response to "Hapoih Leumbaga Wali Nanggroe, DPD Pu Hana Buet Laen? DPD Ta Hapoih Jeut?"
Post a Comment