Wilayah Geudong Pasee, ie Bak Jalan Ngop Bhan Moto
Nasaja Berita — Lhoksukon, Golom abeh ji surot ie di Pidie dan Pidie Jaya, kalinyoe Aceh Utara nyang banjir. Neu kira ju manyang ie bak jalan, ngop bhan moto L-300, teuman ken meu'oh dum teh manyang ie.
Meunyoe dum bak jalan raya 'oh nan manyang ie, lam rumoh ureung gampong pu ta tanyong lom. Hana leubeh 'oh dada itek sagai neu kira ju.
Meunyoe keu haba gura-gura ta peugah, ukuran ka pre jak waterboom aneuk miet wilayah Aceh Utara seulama musem ujeun nyoe. That na teuh. Hai nyoe hai Apa Raban peugah. Trok ie 'oh keu ieng ureung rayek. Teuman ken manyang ie. Nyan sampoe baroe supot, manteng na ie 'oh nan manyang. Teuman lam beungöh Apa Raban peu ek berita nyoe, hana tu'oh peugah lom.
Meunyoe na ji trön ujeun ngen get tunjai lom, lagee haba itu ju neu kira ju nah. Bek 'an ta khen ji surot ie, maken ji tajo lam rumoh warga.
Teuman na Apa Raban baca berita sit beuklam bak beritakini.co neu kira ju, na seumpat ji baplueng rumoh le ie raya meu nam boh. Hana Apa Raban tuleh berita nyan.
'Oh ka lagee nyoe, ta kalon, peulisi dum bantu neu kira ju nah. Meutuwah tuboh peulisi nyan. Leubeh kureung na meu peut ribe droe ureung suah meungungsi kalinyoe gara-gara banjir nyan.
Teuman alhamdulillah that, pemerintah sideh meulalui macam-macam badan dum, ka geupeudöng posko bantuan dan tenda-tenda pengungsian. Rakan-rakan dan syedara-syedara dari wilayah laen nyang hana keunöng banjir atawa hawa keuneuk bantu syedara teuh disideh. Bek male-male neujak intat undangan, eh keupu undangan roh, sang-sang keuneuk meukawen. Nyan neu kalon, pikiran aleh hoe-hoe meunyoe musem ujeun. Meukeusud Apa jak intat bantuan, ubee mampu ubee na kuasa. Ka hana le that, ie aqua glah nah, merek beurangkapu jeut. Atawa indomie neujak jok meu saboh kardus sapoe. Atawa neu ba breuh meu si aree sapoe. Ka hana meuteume jak intat. Neu kirem dana jeut sit. Hana meuhoe kirem, meunyoe ka pakat, eunteuk Apa Raban mita rakan nyang na buka rekening. Kadang yö neuh neu kirem lam rekening pribadi Apa Raban, takot keunöng peungeut, ta mita rekening lembaga. Gampang nyan neukira ju.
0 Response to "Wilayah Geudong Pasee, ie Bak Jalan Ngop Bhan Moto"
Post a Comment