Geuchiek Dipeucat Le Bupati, Warga Demo U Meulaboh
Nasaja Berita — Meulaboh, Kalinyoe berita dari wilayah Barat - Selatan lom. Aceh Barat rupajih parah that masalah. Hana meu soe peureumeun pih nah. Apa-Apa Aceh abeh gabuek ngen pilpres dum, pu hom. Alah pih na lam padum uroe nyoe na meuceuköt keu bhah Wali Nanggroe, meuhan sit tan soe pakoe.
Keubiet nyoe Apa Raban peugah neu kira ju. Urusan keurija sama bangun pabrek seumen di Laweung, Pidie pih lagee operasi intelijen neu kira ju. Lam seupot buta ,tan karu-karu. The-the kalheuh MoU ngen awak Cina. That geu peh tem. Golom neu baca sit?
Teuman meunyoe wilayah Utara hana soe ek peu viral, wilayah Barat-Selatan lagee haba itu ju. Teuman nyoe Apa keuneuk peu ek sit. Beu na soe kalön lah. Ka hana dua blah mata ji kalön, meu siblah siteungöh ken ka meumada.
Nyoe baroe ka punoh kanto bupati jak demo dum ureung. Gara-gara ka ji peucat geuchiek. Hana tanggong-tanggong, 30 droe geuchiek dipeucat le Bupati Aceh Barat, Pak Ramli. Teuman 30 droe geuchiek, areuti jih ken 30 boh gampong ka tan geuchiek, meunyoe hana lom geu pileh.
Teuman pu nyang salah dari geuchiek nyan dum? Rupa-rupajih nyan keujadian ka padum buleun u likot, Apa Raban pih ka tuwe, hana tupat le berita nyan. Meuan jeut Apa Raban lhat sit di sinoe.
Teuman meunurot pantauan Apa Raban, lheuh tanyong-tanyong keunoe keudeh, ka mulai karu lam gampong-gampong, saweub ji peucat geuchiek. Ka mulai sinde-sinde lam gampong. Saweub na nyang bela geuchiek awai. Na nyang peu ulok geuchiek awai.
Makajih ureung nyoe meutamah geujak demo. Toj gara-gara bupati Ramli peucat geuchiek, abeh karu lam gampong. Meunan kheun Bang Sofyan Saury, selaku ureung jak demo dan ketua Forum Persaudaraan Keuchik (FPK).
Berita nyoe Apa Raban ramah dari beritakini. Apa Raban laloe lam blang, han meuteume jak liput keudroe lawet nyoe. Le that abo lam blang, abeh pade. Abo na teu'oh? Keong Maih.
0 Response to "Geuchiek Dipeucat Le Bupati, Warga Demo U Meulaboh"
Post a Comment