Arakate Paleih, Ureung Teungoh Meu Mulod Nabi Ji Bhom

Nasaja Berita – Afganistan, Nyan neu kalon, kiban jahe dum ureung. Akai ngen akai asee leubeh meuakai asee pungo neu kira ju. Bak ureung teungoh jak bak peurayek ure lahee Nabi, ji bhom. teuman ken sah ta teunak meunan. Hana pu neu  jak peu beungeh droeneuh keu Apa Raban lam berita kali nyoe, takot roh meuteunak ureung droeneuh.

Neu kira ju, bak Apa Raban tuleh berita nyoe, suah kap igoe pet mata. Nyan dum palak teuh. Meunyoe haba aneuk muda Banda Aceh nyang ban jeut basa Indoneh kheun, palak lih nah. Pham ta teupuk kira ju.

Sikureung ploh Limong -95- droe meuninggai ureung lam acara mulod. Bhom bunuh diri neukira ju. Lheuh mate ureung bhom, droe-droe jih pih matee. Aleh awai mate awak bhom, aleh ureung laen. Nyang inti jih matee ureung ubee buet ta'eun ija broek nyan. Nyan keujadian di Afghanistan. Bek sampe keujadian di Aceh, peusoh keudeh.

Nyoepat neu klik neu kalon berita. Bak tv Afganistan, pu neu kalon teuman, hana meuphom basa awak Afgan. Neu klik nyan manteng, nyang ka ji peuget lam basa Indoneh. Kadang han neupateh haba Apa Raban, seubab lam basa Aceh.

Teuman na roh neu teumanyong soe kira-kira nyang peulaku model-moel nyan? Nyan keuh nyan teroris. Radikal meunyoe kheun ureung nyoe. Nyan mandum ujong dari paham jak peu bid'ah mulod. Seubab lam utak awak nyan bid'ah nyang na bak buet gob. Lheuh ji peu bid'ah, ji peu syirek, teuman watee ka syirek, ji peukaphe, ka haleu darah. Watee ka haleuh darah, pu sit laen. Ken poh mate. Hana yum nyawong ureung bak awak paleh nyan. Meunyoe ta kalon but  cara ji peulaku, lage-lage awak Alqaeda, ISIS atawa Taliban, paham meu Wahabi si angen. Seubab hanjeut that ta kheun Wahabi, ji teunak teuh le awak Wahabi.

kalheuh Apa Rab tuleh awai, useutad Wahabi cot ikue ji plueng, watee bhah useutad Parhan Puraihan neu kira ju. Nyoe pat neuklik neu kalon berita meunyoe han neu pateh.

Nyan keuh meunan model peukateun ureung. Suah jaga beu get generasi Aceh, be sampoe ji teume keujadian lagee nyoe. Jadi wajar that meunyoe ulama-ulama geutanyoe di Aceh that bagah ji sambui meunyoe na useutad-useutad jak peu bid'ah-bid'ah acara mulod dan amalan ureung aswaja. Seubab bak ujong cerita ji peuhaleu darah sabe-sabe ureung Islam. That geu soh min dih neu kira ju.

Share this post