Gara-Gara Meulum, di Samalanga, Ata Teungku Jafar Ji Theun Le Peulisi

Nasaja Berita – Bireuen, macam keujadian bak tanyoe dum. Nasaja neu kira ju. Kalinyoe bah ta jak puta u Samalanga siat u gampong Meulum. 2 boh beko nyang meunurot info ata Tgk M. Jafar ka di cok le peulisi. Di peulisi pih that bagah bak theun ata gob. Teuman pu na keujadian ile, ek sampe ji cok ata M. Jafar?

Rupa-rupajih, nyan beko gadoh ji jak krok tanoh di ampong Meulum, Samalanga. Trok awak Polres ji jak pareksa. Lheuh ijak peulisi u lokasi, ji kalon na beko 2 boh. Lansong ji lake surat ijin bak awak keurija. Teuman di awak keurija ijok ju surat, seubab na idin.

Teuman adak na idin pih ji drop sit le peulisi. Seubab surat idin nyan ka lewat. Aleh pu nyang lewat pih tan ji peugah. Pu keuh lewat tanggai, atawa ka lewat bataih. Jatah saboh petak tanoh, kadang ka geu kuh 3 boh petak tanoh. Hom sit. Hana trok keunan tajak cek lom. Meunyoe kheun awak nyoe Galian C, aleh pu pih di galian C nyan hom. Istilah macam dum, nasaja neu kira ju.

Tapi bek salah, nyoe ken berita hoax. Hana lam kamus Apa Raban jak peu ek hoax keunoe. Desya teuh, laba sit ka tan, bak buet nyoe. Teuman ta tuleh ubee ta teupu sagai. Han neu pateh neu kalon sinoe bak serambi. Leubeh kureung sit ji tuleh. Teuman lagak Apa Raban tuleh, seubab lam basa droeteuh.

Nyan judul meunan, bek neu pike keu Tgk Jafar jak meulum. Pu barang eunteuk ji cok le peulisi ka susah teuh. Makajih neu baca beu abeh. Nyang inti jih ata Tgk Jafar nyan ka icok le peulisi. Kn ata jeh, tapi ata nyan. Nyan nyang bak gamba  nyan nah. Beko. Ken ata jeh, ata jeh beh pane jeut icok beurangkaho. Ka paleh teuh. Pu lom seubab nan gampong meulum nah. Tgk Jafar hana lagee nyan ureung. Bek brok that cara seumike, desya neuh, Nyoe Apa Raban peuingat sagai.

Nasaja neukira ju nah, hana ta tu'oh ureung lawet nyoe seubab.

Share this post