Najmul Falah: 7 Cara Beu Luloih CAT CPNS. Nomor 1 Toh 'Iek Seugolom Tes

Nasaja Berita – Banda Aceh, Ka padum uroe ka awak ikot Tes CAT CPNS, sang sampe inoe hat meu seurtoh droe golom troh awak nyang na luloih neu kira ju. That gawat biet. Na nyang peugah, dosen UIN, Pak Budi Azhari tuleh bak status FB nyang ka i peujeut keu berita bak serambi, "meunyoe nyan model soal, adak Prabowo ngen Jokowi pih han yakin teuh luloih." That na teuh kira ju.

Teuman bunoe na berita lagak dari Najmul Falah. Mameh that berita. Lagee droe geuh mameh neu kira ju. Lheuh ganteng, caröng lom. Teuman bagi awak droeneuh nyang dara-dara hoe ile, bek that neu karat, adak muda-muda meunan, ka na sinyak geuh. Bek le that neu tajoe. Geu cutit le inong gob nyan eunteuk hana pat ta jak sumbo neuh.

Najmul Falah ikot tes di Universitas Abuyatama. Uroe nyoe na bacut kureung 700 droe awak ikot. Dan bereh jih, tok gobnyan nyang na luloih neu kira ju.

Meunurot meutuleh bak serambi, Najmul na geu peu boco cara beu midah lewat Tes CAT bak rakan-rakan Coys&Partner. Pu atra coys&pattner nyan pih hom. Pat ta teupu, peukaten aneuk muda. Macam dum nan.

Kiban teuman cara beu luloih? Neu simak beu get. Na 7 cara geupeugah nyang harus ta lalui:

1. Jak toh 'iek ile seugolom tamong glah, bek samoe teungoh ta jaweub, ka saket 'iek.
2. Doa bek tuwe. Teuma neu rhah 'iek ile beu gleh. Bek ch'ung kolor. Han geuteurimong doa le Poe.
3. Jaweub TWK ile phon that meu 16 boh, tapi beu yakin beutoi.
4. Langsong pasoe ata TIU, kirahkira meu 20 minet bak TIU ka meumada. Asai beu meuteume jaweub meu 18 boh soal.
5. Langsong keudeh bak TKP, jaweub beu abeh mandum.
6. Gisa bak set, baro peu abeh TWK ngen TIU.
7. Bek sagai-sagai neujaweub TKP seuneulheu, seubab ka thoe utak neuh, han neu tu'oh seumike le. Ka mulai streh neuh, kepribadian hana sehat le.

Meunyoe bak serambi ji tuleh lumboi 7 paleng peunteng. Tapi bek salah, teutap lumboi 1 paleng peunteng. Toh 'iek ile seugolom ikot ujian. Khak.

Seulaen nibak nyan neujak beu awai. Mangat sempat ji pareksa neuh le petugaih. Dan na daftar ulang kehadiran lom.

Teuman padum nilai Najmul? TWK 95, TIU 100, TKP 149. Na neu tusoe soe Najmul Falah nyan? Alumni FITK jurusan Biologi dan pesantren Ruhul Islam Anak Bangsa. Beliaunl nyan toke Hugo Parfume di simpang Surabaya.

Berarti hayeu Najmul ngen Prabowo atawa Jokowi, meunyoe ta ikot haba pak Budi Azhari. Kakeuh ta peu ek keu Presiden ju keudeh meuhan jeut, bek keu guru IPA saree? Khak.

Nyan ban neu kira ju berita kali nyoe. Nasajaberita bak Apa Raban. Asai ka jeut ta apdet, ubee na ta peu ek neu kira ju nah.

Share this post