IKABUA ACEH JAK BANTU DAYAH UMMUL AYMAN NYANG TUTONG BAROE

Nasaja Berita - Pidie Jaya, Beurita hana mangat kali nyoe dari nanggroe. Dayah Ummul Ayman nyang neupimpin le Waled Nu Samalanga baroe uroe Jumu'at tutong. Brat that tutong, teurutama bilek aneuk miet beut. Seuhingga abeh mandum. Hana meuteume peu seulamat. Seubab nibak watee toe that ngen watee jak seumayang Jumu'at. Nyang tinggai bak aneuk miet, sit tok bajeee nyang ji sok nyan.

Nyang tutong kon dayah nyang di Samalanga, tapi dayah nyang na di Meureudu, Dayah Ummul Ayman II.

Sinoe neu klik neu baca berita Tutong Dayah Ummul Ayman.

Keu seubagoe info keu rakan-rakan meutuwah di pat mantong nyang baca beurita nyoe. Aneuk beut sajan Waled bak dayah Ummul Ayman, nakeuh ramee that aneuk yatim. Keurana memang dari phon neu peudong dayah le Waled, target Waled watee nyan nakeuh untuk teurimong dan neu hiro aneuk-aneuk nyang ka hana le Yah nibak masa DOM, masa Darurat Militer roh masa konflik dilee nyang cukop hat meusyeuhu.

Kalinyoe, bantunan nyang phon that trok untuk tutong dayah, nakeuh dari IKABUA. IKABUA nyan nakeuh Ikatan Keluarga Besar Alumni Ummul Ayman. Nyang sampoe saat nyoe geu keutuai le Teungku Ridwan Calok.

Ka teunte, bantuan dari alumni han meumada, seubab alumni dari Ummul Ayman pun ken ureung na mandum. Bahkan ramee that nyang mantong mahasiswa atawa ban-ban na keurija.

Bagi rakan-rakan nyan meutaloe gaseh keu aneuk dayah, bek seegan-segan neu kirem bantuan. Nyan keu aneuk beut. Nyang keuh nyan nyang singoh angke agama. Jeut keu penerus bagi ilme agama di Aceh. Aneuk beut nyoe keuh nyang akan angke buet ulama saat nyoe. Peucarong ureung, peuturi ureung keupada agama.

Sinoe Apa Raban boh poto mangat neu tuhoe, hoe jeut neukirem bantuan. Meunyoe memang na rencana transfer, ubee na mudah. Meunyoe hana get leumah, bah Apa Raban tuleh ulang nyoepat di miyup. Rekening BRI a.n IKABUA : 3917.01.015853.53-7. Atawa neu hubungi Teungku Khairil (085277954096).

Share this post