ANEUK UMMUL AYMAN EH LAM TENDA, TUNGKU WAN MEULUCU KEU HIBUR ANEUK MIET
Nasaja Berita — Pidie Jaya, kiban weuh ta kalon aneuk miet beut eh bak tenda. Wap tutong lam uroe jum'at baroesa.
Bilek dayah abeh, jap jeut keu abee, tutong. Nyang na tinggai si bajee nyang ji pakek bak badan sagai. Dapu pun abeh tutong, aneu miet beut hana seip makanan untuk peunajoh uroe dan malam.
Hayeu jih sampe inoehat, aneuk miet beut teutap tinggai lam dayah, bah pih meunan kondisi dayah saat nyoe.
Beuklam na troh bantuan dari pihak IKABUA selaku alumni dari dayah Ummul Ayman. Teungku Ridwan Calok seulaku ketua IKABUA jak intat bantuan keu adoe-adoe nyang na di dayah. Hana le, tapi na bacut sapu.
Leumah lam foto nyoe ketua IKABUA, Teugku Ridwan Calok, brie seumangat keu aneuk beut. Teungku Ridwan memang ji thee humoris. Jeut geu meulucu. Get untuk hibur aneuk-aneuk beut nyang tinggai lam dayah dan teungoh musibah lagee nyoe. Aneuk-aneuk dayah teukhem ngön haba Teungku Wan. Dan Teungku Tarmizi Bambong bagi-bagi keuripik keu santri lam VIDEO nyoe.
Bantuan keu dayah Ummul Ayman ka mulai troeh, Alhamdulillah. Na dari Dinas Dayah Provinsi Aceh.
Nasaja Berita nyang Apa Raban peu ek. Nyan mandum keu troeh info keu rakan-rakan, dipat mantong nyang na. Peu keuh di dalam atawa di lua nanggroe. Pu lom berita lam basa Aceh, sit hana ju lom nyang tuleh.
Meunyoe na atra droe, keupu atra gop. teuman meunyoe hana bak droe, baro ta baca bak berita gop.
0 Response to "ANEUK UMMUL AYMAN EH LAM TENDA, TUNGKU WAN MEULUCU KEU HIBUR ANEUK MIET"
Post a Comment