PUE NYOE UREUNG, MANTÖNG BÖH BROH LAM KRUENG?
Nasaja Berita — Aceh Timu, Meunurot bak hie ta kalön, bak sang daerah nyan diet that-that tong broh nyang diseudia le Poemerintah. Hai pakön ek na pikiran lagee nyan, seubab bak nyang leumah, le masyarakat nyang böh broh lam krueng Idi. Karap ngop krueng ngen broh neu kira ju.
Si gö-gö ji pot be Allahu Rabbi ku peugah, putoh bulee idong neu kira ju, han ek teu bu. Nyan meunyoe lewat röt tutue Idi Rayek, hana cerita ju. Aroma get that sedap, talo aroma mie sedap rasa ayam. Leupah na teuh.
Nyan böh broh lam krueng kön peukara baro di wilayah nyan, ka trep ka. Nyang yö teuh, krueng Idi jeut keu tong broh paleng panyang di donya. Ka meureumpök rekor MURI atawa Guiness Record Book, ji teumee tamöng tiphi Pak Bupati sang.
Geupeugah le Bang Reza, salah sidroe warga Idi, nyang bahwa cukop that weuh bak kalon geu kalon ureung böh broh pat nyang meuh'eut.
"Takheuh pungoe ok teu koh, takheun bangai panyang sikula. Ta kheun hana utak tangkurak ubee raya. Teuman kön han ek ta pike." Meunan kheun beliau nyan, sambelan geu top idong, ji pot be get that meu s'ap lam jantong neu kira ju.
Di Bang Rahmat, warga nyang laen lagee haba itu sit, bak geu kalon broh get that jai lam krueng geu kheun, "Sang krueng tanyoe jeut keu tong broh paleng panyang di Aceh, sang di Indonesia. That geu soh min dih."
Nyang jeut ta harap kalinyoe, bak Poemerintah beu ji sedia tong broh nyang raya-raya ji peuduk bak bineh jalan. Mangat meuhoe böh broh pih di ureung tanyoe. Meunan sit keu ureung gampong nyang ka tinggai di kota. Beu na utak lah siangen, ka hana that, meu siangen kön beu na.
Nyang meunyoe ka na meunan, adak ji drop le petugas atawa ji seunuet atawa meumada ji tham le Poemerintah, ka jeut. Seubab ka na tong broh. Jinoe watee ta peugah bak ureung, bek neu böh broh lam krueng, na neu teupu geu jaweub? "Beh pat sit tong broh nyang jeut ku böh broh lon?"
"Teuman nyan model jawaban, nyang pah kön broh ta sak lam ulee geuh." Meunan cerita Bang Ma'un.
Nyan Apa Raban peuingat keu rakan-rakan seukalian. Tanyoe manusia ka geu brie utak le Poe teuh, ka ta tu'oh seumike. Jadi broh bek ta peu pö hoe nyang seunang atee teuh. Kuto, meu be han ek ta com putoh bulee idong teuh.
Nasaja Berita neukira ju.
Keu sumber berita Apa Raban cok bacut sapat, nyang phon meukalön berita nyoe bak situs acehsatu.
0 Response to "PUE NYOE UREUNG, MANTÖNG BÖH BROH LAM KRUENG?"
Post a Comment