PBNU NEU BANTU SABOH M KEU GEUMPA LOMBOK, NTB
 |
| Foto : Ketua PBNU Said Aqil Siradj |
Nasaja Berita — Jakarta, Pengurus Besar Nahdhatul Ulama atawa nyang tanyoe turi deungön sebutan PBNU atawa NU baroe uroe Seulanyan (Senin, 6/8) geubagi bantuan keu korban geumpa di Lombok, NTB.
K.H Said Aqil Siradj seulaku ketua PBNU dan ulama rayek di Indonesia nyoe memang ji thee cukop that geunaseh. NU pun lagee nyan. Memang hana ramee berita nyang peu ek masalah nyoe. Biasalah, jinoe SAS teungöh han ek geukalön le ureung-ureung nyang han ek kalön. Seubab model ureung ulok meunan. Pu lom bhah Islam Nusantara, sit abeh drat ji teunak SAS. Padahai sep min dih malem ngen saleh ureung.
PBNU lam hai nyoe, memang seureng brie bantuan keu korban, pat-pat nyang na keujadian, pu keuh prang atawa bencana alam. Na lembaga zakeut, infa ngen seudeukah sit lam PBNU nyang geu peunan LAZISNU (Lembaga Zakat Infaq Sedekah NU).
Untuk geumpa memang le ka korban. Bahkan lam padum uroe nyoe, na padum-padum boh teumpat golom troh bantuan sama sekali. Jadi, keu rakan-rakan Apa Raban nyang baca berita nyoe. Bek male-male neu sumbang keu NTB. Apa Raban hana buka rekening. Bah ureung nyoe nyang buka, nyang ka teruji. Di Aceh, di Banda Aceh ,le ka mahasiswa nyang theun kotak untuk mita sumbangan. Meunan sit buka posko. Neu bantu rakan meutuwah.
Tanyoe lam thon 2004 ka lheuh ta rasa. Meu'ah ta kheun, meunyoe hana trok awak luwa ji jak bantu teuh masa nyan. Han jeut ta eu nanggroe teuh. Jinoe hana meu meuri pih le. Nyan dum. Maka kalinyoe bah tanyoe bantu ureung nyan.
0 Response to "PBNU NEU BANTU SABOH M KEU GEUMPA LOMBOK, NTB"
Post a Comment