NYAN HAI, SANTRI MUDA ACEH DUKONG JOKOWI 2019
Nasaja Berita — Banda Aceh, Nyan ban neu kalön, siat silap teuh. Ka abeh jeut keu cebong dum. Khak.
Baroe uroe Hameh tanggai 2 buleun 8, rupajih na acara dari Forum Silaturrahmi Santri Muda Aceh bak ACC Sultan Selim di Banda Aceh. Acara deklarasi untuk dukong Jokowi beu ji ek lom dan beu teupileh keu Presiden Indonesia lom kali ukeu. Meu periode nyoe hana abeh lom, ka jak pike periode ukeu.
Oiya, nyoe kalinyoe Apa Dolah nyang peu ek berita. Seubab Apa Raban baroe han meuteumeung jak liput berita nyan. Nyoe ka teulat meu peu ek berita, seubab hana geujok password le Apa Raban.
ACC Sultan Selim nyan toe ngen Taman Sari, toe sit ngen pendopo Gubernur. Sinan ji peuget acara.
Teuman pu inti acara nyan? Inti jih nakeuh peusaboh su untuk peu rhak Jokowi si ge teuk ucong putek, meukeusud jih peu ek Presiden si gö teuk.
Keurana lam pandangan ureung lam forum nyan Jokowi nyoe bereh lam periode 2014-2019. Walopun na kureung bacut sapat, nyang pokok jih, Jokowi toe ngen pesantren-pesantren. Di Jawa, Jokowi meurakan that ngen ulama lagee ketua MUI Abu Chiek Kiyai Haji Ma'ruf Amin, ngöen Kiyai Said Aqil dan Habib-habib nyang ka tuha-tuha di Jawa, nyang urueng nyan ulama rayök. Bahkan di Aceh, Jokowi na trok u Dayah MUDI di Samalanga watee geumpa Pidie Jaya 2 thon u likot. Ji bantu geudong kampus saboh sidroe, ji tanggong le APBN.
 |
| Foto : KlikKabar |
Meunan sit Jokowi na program peu kuliah ureung dayah atawa pesantren sampe S3, punoh ji brie beasiswa. Program Ma'had Ali untuk pesantren-pesantren supaya ek bersaing ngen ureung luwa nanggroe lam bideung ilme seurta dakwah.
Meunurot Forum Santri Muda Aceh nyoe, Jokowi hana anti-Islam lagee ji kheun le ureung nyoe laen. Karena memang ka geurasa langsong le ureung-ureung daya.
"Dan masalah na beda pilihan dan dukongan nyan biasa. Lam forum nyoe, kamoe meudukong Jokowi." Meunan kheun salah sidroe aktivis dayah kam forum nyan.
"Dan masalah na beda pilihan dan dukongan nyan biasa. Lam forum nyoe, kamoe meudukong Jokowi." Meunan kheun salah sidroe aktivis dayah kam forum nyan.
Teuman han meumada 'oh nan. Dukongan santri nyoe ken asai-asai. Waki harus ureung nyang meuphom agama, atawa nyang independen nyang rayök peungaroh keu kalangan dayah dan pesantren lagee contoh K.H. Ma'ruf Amin, TGB Zainul Majdi, Mahfud MD dan Chairul Tandjung. Bek sampe Puan Maharani, meunyoe Puan keu calon waki lagee ta h'ieh ju. Reulöh teuh.
Apa Dolah urusan peu ek berita. Lagee na ju, meunyoe kheun Apa Karya.
Hahaha...
ReplyDeleteToeh aju, abeeh ie toeh sigoe ta rah, yg teuh jumoeh aneuk dayah yg peugah meunan, beek di jak ba2 nan dayah