MALAM ANGEN BADEE DI MINA, SINGÖH UROE KA GEU WUKUF
Nasaja Berita — Mekkah, Haba hana mangat kalinyoe troh dari tanoh suci sideh di Arab. Lam puncak haji kalinyoe, angen badee topan lam padang arafah get that teuga. Ta meulakee bak Poe bek na korban dan beu seulamat ubee na mandum jama'ah.
Meunurot info nyang kamoe teurimöng dari TV atawa status ureung nyang teungöh di tanoh suci, angen topan kalinyoe leupah teuga sampoe kira-kira poh 2 malam lewat bacut watee Saudi.
Na padum-padum boh tenda di Mina (teumpat geu eh para jama'ah nyang jak u padang Arafah singöh uroe) ji peu phö meurabök-rabök, phak luyak beukah dum tenda. Meulungkop-lungkop. Sampe-sampe na nyang payang mengungsi jama'ah bak tenda nyang leubeh raya dan leubeh köng saja ketua regu.
Pu lom lampu atawa leseutrep poh mate. Menurot info memang ji peu matee le panitia, supaya bek sampe keujadian kebakaran, tutong tenda gara-gara korslet. Nyan ban neu kira ju nah. Nasaja cobaan Tuhan teuh brie keu hamba.
Memang di Saudi singöh ka geu wukuf, nyang berarti sideh uroe Lasa ka geu meu uroe raya.
Sinoe neu klik neu baca: Kalinyoe Beda Uroe Raya Tanyoe Ngön Awak Arab.
Dan nyan hai biasa lam peukara tanggai buleun ateuh. Meunurot soe awai leumah buleun.
Ta meudo'a saban-saban geutanyoe Aceh seulaku nanggroe Seuramoe Mekkah, nyang bahwa ubeena jama'ah haji beu seulamat iman seulamat badan. Beu abeh geu pubut ubee na rukon dan sunat lam ibadah haji. Watee trok geuwoe keunoe u nanggroe beu jeut keu haji nyang mabrur.
Bek sampe nah watee trok geu woe keunoe, meutamah paleh kira ju. Nyan nyang han ek ta lieh. Ka le ta kalön contoh. Di Apa Raban sampoe inoehat hana leupah sahoe lom, bek ta kheun u Arab ta ek kapai, meu 'oh Medan hana leupah lom ngen Bus double decker. Do'a beh keu Apa beu leupah. Meunan sit do'a Apa keu rakan-rakan beu leupah u tanoh suci jak pubut haji.
Nasaja Berita.
0 Response to "MALAM ANGEN BADEE DI MINA, SINGÖH UROE KA GEU WUKUF"
Post a Comment