LHEUH ANCO JI POH LE PEULISI RUPAJIH KA KÖN NYANG JI MEUKEUSUD. BEH KIBAN NYAN?

Nasaja Berita — Aceh Utara, Allahu Rabbi anco atee teuh ta kalön keujadian model-model nyoe. Lheuh reumök geuh ji poh le Peulisi, rupajih ka kön gobnyan nyang peulaku timbak peulisi di Aceh Utara baroesa.

Teuman keu jeut keubuet lom? Nyoe berita agak brat bacut bak ta tuleh neu kira ju. That ta hayak, ji balek hayak teuh le peulisi, sang ta peu brok awak nyan. Teuman meunyoe lagee nyoe keujadian. Keubiet ju hana get, bek ta kheun brok nah.

Nyan beliau nyan bang Bahagia nan geuh. Meunan geupeugah le ureung gampong. Sinoe neu kalon  Biet si uroe-uroe tarek RBT. Meunyoe ta kalon bak foto, leumah ta eu rumoh. Kön ureung kaya nyang pasti. Hai ureung tarek RBT pat nyang ka kaya teuman. Kadang sit nah meu honda nyang geuteumarek nyan golom abeh kredit pih. Kadang.

Berita ji drop sinoe jeut neu kalon, bak mediaaceh

Nyoe berita kön jak peu suum-suum ureung Aceh. Tapi peugah lagee na. Seubab baroesa awak peulisi keudroe nyang upload foto bahwa ka abeh ji drop genk setan botak di Aceh timu. Dari nam droe ji droep sidroe ji timbak di tempat. Meuninggai. Teuman rupajih lhee droe sagai nyang salah. Nyang ka matee nyan kiban? Pu na roh lam kawan ureung salah atawa hana salah? Ramee ureung bak facebook tanyöng-tanyöng nyan lam komen dum. Hana soe jeut jaweub lom.

Sinoe neu klik neubaca ka ji lakee meu'ah le peulisi

Nyan dum ji poh ruh'iep muka geuh. Meunyoe peurle keu foto pak peulisi nyang brat that seunang dan meugaya lheuh ji drop dan ji poh ureung nyoe, sinoe jeut neu kalon. Neu klik ju bak warna meutuleh sinoe lam warna ijo.

Teuingat teuh keu masa konflik dile meunyoe lagee nyan model. Allahu teuh. Nasaja Berita, Apa Raban hana meutuleh sapu berita bhah nyan, seubab kureung yakin, mandum nyan pelaku. Sinoe neu kalon kiban dum media bak ji beritakan, poto-poto leumah, Sinoe bak Pilarbangsanews.

Nyan nyang ka lheuh komen bak facebook dum, nyang teunak-teunak Bang Bahagia, suah lakee meu'ah ju. Tuleh status saboh lakee meu'ah. Hana bahagia le bang Bahagia droekuh, lheuh ji poh beukah muka geuh. Ukuran han let helem ji poh le peulisi. That na teuh neukira ju.

Share this post