JRA HAN JRA DI USEUTAD FARHAN MEUTUWAH NYAN
Nasaja Berita — Banda Aceh, Kalinyoe Useutad Farhan Abu Furaihan nyang kalheuh tom cöt ikue padum uroe ka u likot, han meuteumee raba silop. Puteh tapak geu plueng.
Jadi meunoe, useutad Farhan nyan beugitu trok masyarakat u seumijid lam komplek rumoh saket RSUZA, langsong balek kiri maju jalan röt pinto likot siteuntang mihrab atawa bak teumpat imum döng seumayang. Meunyoe kheun awak nyoe lam bahasa toko, langsung diamankan jama'ahnya.
Rupa-rupajih, masalah useutad Farhan meutuwah meubahgia nyoe hana bereh-bereh lom sampoe 'an inoehat. Aleh pakön hom. Aleh tan soe ek peu bereh aleh tan soe tem peubereh. Seubab bacut sagai beda atra nyan. Ek ngön tem. Ken nyoe meunan?
Lagee nyang kaleuh ta peugah awai bak nasaja berita, (meunyoe situs berita laen, nyan ata ji copy paste bak Nasaja Berita beh) khak.
Dan juga watee han ji tueng di Meureudu, Sinoe neu klik:
Abeh beungeh ubee na ureung keu useutad meutuwah nyan, gara-gara abeh ji peu syirek ureung jak sulok, ureung meukhanduri mulod, ureung jak bak kubu, ureung laphai niet seumayang dan ureung lhat poto ulama bak binteh rumoh atawa keude. Abeh syirek ubee na ureung, asoe nuraka. Sang-sang useutad nyan nyang mat gunci pinto nuraka, asisten Malek Zabaniyah.
Kalinyoe rupajih na dawa dawi lom. Sampoe-sampoe karap ji meulhö ureung lam seumijid Raudhatul Jannah (awai nan jih seumijid Ibnu Sina, ji yu ganto nan ke awak Wahabi ta'eun ija brok nyan. Seubab ji peugah Ibnu Sina musyrek, murtad, kaphe).
Sinoe neu klik neu kalon berita karu lam seumijid RSUZA:
Useutad Farhan Abu Furaihan sit han ubah-ubah le sang. Ji pakat duek diskusi han geutem. Watee ji jak masyarakat, ji ba sidroe dua Teungku bak jih seumeubeut, malah ji balek haba. Ji peugah, ta diskusi beu get-get, bek meunan lagee ureung hana sikula hana jak beut, karu lam seumijid.
"That tunue teuh". Meunan kheun salah sidroe masyarakat lheuh keujadian nyan.
Apa Raban seungaja teulat peu ek berita, supaya hana hoax lam beurita. Mandum kalheuh ta cek en ricek. Kön jak copy-copy paste atawa tajak reuboh pu nyang galak. Keu suai gaya, sit memang lagee nyoe cara Nasaja Berita, berita fakta, gaya keudee kuphi bak peugah haba.
0 Response to "JRA HAN JRA DI USEUTAD FARHAN MEUTUWAH NYAN"
Post a Comment