JAK PUP CHOK AWAK PKS DAN GERINDRA KA JI JAK ATO MUI

Nasaja Berita — Bandung, Nyoe ka gura kejadian, pu pasai awak Partai Keadilan Sejahtera atawa PKS ngen Partai Gerakan Indonesia Raya atawa Gerindra jak ato-ato MUI Jawa Barat. Ji kheun keu MUI lebay. Kiban ile, keu majelis ulama jikheun lebay. Pu hana utak awak nyan.

Nyoe Apa Raban tuleh berita nyoe ken jak uroh daerah gob. Tapi beujeut keu saboh peulajaran keu tanyoe sinoe di Aceh. Nyan ban.

Hai meunyoe keujadian jih. Di MUI Jabar, geu brie komentar dan arahan keu masyarakat nyang na di Jabar. Tujuan ureung nyoe get that lheuh geu kalon kiban keujadian nyang ka lheuh keujadian bak daerah gob.

MUI Jabar peugah, nyan masyarakat bek gadoh jak surak-surak atawa peuget demo #2019GantiPresiden. Pakon meunan? Seubab, lam masyarakat na sit ureung nyang ingin #2019TetapJokowi atawa #Jokowi2Periode. Nyan bek gara-gara kampanye nyang golom jatah, ka karu ureung. Ji meulhe ji meupake.rata sagoe.

Baroe ban lheuh keujadian di Batam. Nyoe bek sampe trok bak tanyoe. Hek that ta peuteupat bhah karu ureung sabe-sabe droe teuh ureung Iseulam. Nyan ban. Teuman ken jroeh haba MUI Jabar nyoe, keu tujuan bek meupake ureung sagai.

Teuman di awak Gerindra ngen PKS ka di jak kheun nyang bahwa MUI Jabar bek jak urusan peulitek. Bek jak brie fatwa ini itu. Nyan gerakan nyan murni atra masyarakat. Bek roh awak MUI saree keunan.

Teuman meunyoe model-model nyan ji peulheuh haba. Adak Apa Raban ken ureung Jawa Barat dan hana jadeh meukawen ngen awak Jawa Barat (ka ji puplung panggang le awak Sulawesi, ji koh can thon 2017 baroesa. That icah kuh), nyang model-model nyan jak jungkat keung keu MUI ken buet, brat lom icah teuh.

Seubab meunoe nah. Nyan awak peurte peulitek, ji peugah beurangkaban jeut. Meunyoe ka karu ureung Iseulam sabee droe nyan awak nyan meunang, han ji pakoe keu umat, meunyoe talo leubeh lom. Lumboi-lumboi hape ji gantoe. Nyan dum, ka ta tu'oh peukateun. Nyang theun badan, teusut ek-ek punggong dan keunong teunak sit tok MUI seulaku teumpat meusapat ulama. Pasti keunan ji tajo masyarakat, meunyoe ken bak ulama, soe sit laen, watee ka meukarat. Nyang bek 'oh watee seunang.

Nyoe Gamba watee di Medan

Watee lagee nyan, Apa Raban teuingat keu bhah Jakarta thon kalheuh, watee MUI peugah nyang sesuai lagee hawa parte-parte nyan. Teuman bhah nyan bek ta peugah hinoe, ji pike ta dukung si Ahok. Padahai ken syara Ma teuh pih si budok nyan.

Meunyoe han neupateh berita ApaRaban kalinyoe, neu mita info bak kompastv atawa koran-koran nasional. ApaRaban nonton langsong bak tiphi beuklam, bak warong kupi. Hana tiphi di rumoh. Ka reuloh.

Share this post