HANA IDIN ACARA DEKLARASI #2019GANTIPRESIDEN, NA CAN JI DEMO WALIKITA SINGOH

Nasaja Berita — Banda Aceh,  Kalinyoe hana ji teubiet surat dan idin untuk peuget acara deklarasi #2019GantiPresiden gantoe presiden di Banda Aceh, seubab geu takot karu lagee bak gob. Di Batam kalheuh na contoh, di Pekanbaru pih hana kureung karu, di Surabaya pih meunan.

Nyan jeut keu alasan pemko Banda Aceh.

Sinoe neu klik neu baca bhah deklarasi di Banda Aceh singoh

Bunoe pih na demo meupadum droe mahasuwa Aceh nyang lakee supaya bek na deklarasi #2019GantiPresidennyan di Banda meuseubab takot karu lagee bak gob.

Nyoe pat sinoe neu klik neu baca Mahasuwa Demo Anti Tagar

Teuman pu keuh meumada lagee nyan? Nyan hom sit. Ta kalon singoh kiban keujadian. Nyang ka pasti, surat ka ji teubiet, nyang bahwa hana idin. Bek sampe keubiet jadeh karu singoh gara-gara deklarasi dan tagar-tagar nyan. Han ek ta peu teupat. Nyan Pak Amin seulaku Wali Kota Banda Aceh, bak sang kajeut pematee HP ju. Meuhan rame ju awak telpon neuh. Han neu pateh, beh ci keuh.

Keu rakan-rakan nyang na rencana jak, nyang dari daerah-daerah, neu brie info siat le ureung droeneuh nyang kalheuh baca berita nyoe. Bek sampe ka hek geujak dari daerah sideh, abeh ujong keunoe u Banda Aceh, ka tan acara. Hana soe ek tanggong jaweub keu eungkoh moto ureung nyoe jak.

Teuma meunyoe memang na rencana seukalian jak maen, ya hana meudaleh, keu teumpat eh, uwah that seumjid Raya ka. Lagee ureung nyoe jak bak PKA baroesa. Han neu pateh, nyoe pat neu kalon berita ureung jak PKA eh di seumijid Raya.

Sinoe neu klik neu baca, meunyoe han neu pateh.

Nasaja Berita neu kira ju. Nyoe info A1 sangat valid anti hoax dari intelijen. Bek neu pike greu Apa Raban. Rata sagoe ta meulop untuk meuteume info dan berita keu rakan-rakan sinaroe sipat dua pat teuk. Neu share bek tuwe, geulantoe ta peuthee bahwasajih, nyoe web berita lam basa Aceh, basa indatu teuh. Hana lom na bak gob. Lagee na ju nah.

Share this post