PHON HANA LULOH BEUT QURAN, PROTEH, DUDO KA LULOH

Caleg tes baca quran

Meunurot berita bak internet, gara-gara na caleg nyang hana luloh tes beut quran, na parte nasional nyang jak proteh bak panitia (KIP).

Rupajih berita nyan beutoi, lheuh di jak awak media jak konfirmasi ulang bak KIP, dan meureumpok ngen Kasubbag Sekretariat KIP Pidie, buk Neti Saparita.

Cuma geupeugah le Buk Neti nyan ken proteh, tapi jak lake konfirmasi bak KIP.

Lheuh trok awak parte nasional nyan jak teumanyong ulang, awak KIP lakee kalon ubee na keurtah nilai ujian beut Quran dan geupeusapat ubee na Panwaslu Pidie, ureung tes beut, awak parte nyan. Bak geu kalon rupajih salah tuleh nilai.

Meunurot aturan tes beut, asai meureumpok nilai 50 dari 3 macam nyahga dites lam beut Quran nyan kaji kira luloh. Lheuh pareksa ubee na nilai, rupajih 2 droe caleg parte nyan na nilai 50 (jatah luloh) ,tapi meutuleh bak keurtah nyan hana luloh. Teuman ken ka gawat?

Jadi kheun buk Neti," Nyan mungken saja silap ureung tuleh, dan nyan mungken saja keujadian. Jadi ka ta kalon sama-sama, kakeuh ta ubah dan ta tuleh laen, LULOH."

"Nilai hana ta ubah, lagee na ju 50. Cuma keterangan sagai jeut keu luloh, bak keurtah lagee set." Kheun buk Neti nyan.

"Jadi mandum-mandum nyang hana luloh 13 droe sagai. Seubab 2 droe nyan luloh." Meunan geu peugah ke buk Neti bak awak beritakini.

@ApaRaban

Share this post