KA RAP JI HAMBO USEUTAD FARHAN, SANGKIRA JADEH ACARA BAROE

Meureudu, Pidie Jaya Uroe Sabtu baroe, karap jadeh karu di daerah Meureudu, Pidie Jaya. Kiban han roh, ken na useutad Farhan Abu Furaihan nyang meugah that nan yoh watee buleun puasa baroe bak internet, gara-gara geu kheu macam-macam keu Abu Mudi (sidroe ulama senior di nanggroe Aceh nyoe).

Teuman meunyoe na nyang kheun keu Abu Mudi, dan ijak u daerah Pidie Jaya, ken ka keumah. Ji pluek kulet ulee le awak Pidie Jaya. Get that rame murid Abu Mudi sinan.

Dan beu neuteupu, Abu meugeujak k'ek tan nyan masalah. Ka biasa lam udep Abu, ji kheun le gob. Teuman di aneuk murid, ureung gampong nyang galak keu Abu dan ka geu peu mulia Abu seubagoe sidroe ulama, boh pane na mau tau. Ken geu pakham ju si ge sapoe.

Kheun sidroe teungku di daerah pijay nyang meuhubong ngen liputan aceh, "Jih si Farhan nyan meunyoe jadeh i peuget kajian sinoe di pijay (Pidie Jaya), saban lakee ji mita karu. Ka jiteupu ureung hinoe icah keu jih."

"Jadi kamoe harap bak pihak berwajib, lam hai nyoe pak peulisi ngen panitia, demi keamanan si Farhan dan masyarakat di Meureudu dan Pijay umum jih, leubeh get yu piyoh ji seugolom ji mulai. Meunyoe keubit kejadian. Hana soe tanggong jaweub." Kheun Teungku nyan. Nan Teungku nyan hana admin tusoe le.

Sidroe teungku teuk, Teungku Muhammad na sit geu brie komentar meunoe, "Nyan useutad nyan seureng that melanggeh ngen ASWAJA nyang tanyoe yakini lagee peunutoh ulama-ulama muktabar dari jameun sampe inoe hat lam donya. Dan pun seureng that geu kheun keu amalan tanyoe ASWAJA, mulod ji peugah bid'ah, laphai niet lam seumayang bid'ah, ta lhat poto ulama syirek, ta ikot sulok sesat. Teuman ken that rusak."

Teuman haba teungku nyan rupajih beutoi. Admin ci kontek-kontek ngen telepon u daerah Meureudu, na rakan disideh sidroe dua. Kheun rakan nyan, "Sit ka ku preh-preh si gam Pe nyan trok keunoe. Beu meudiyeung di keu kuh. Ku neuk jak tacah-tacah beu rhup jih. Lam puasa ku jak u Banda Aceh hana ku teume jih. Ji plueng u Arab, i peugah jak umrah. Rumoh-rumoh ka ku tupat." Kheun Bang Robet, ureung keurija bak doorsmeer di kawasan nyan.

Rupajih, info kajian nyan geu teupu le rame ureung Pijay ret WA (aplikasi Whatsapp) bak HP android. Rata ureung ka na android. Jadi info bagah that trok.

Meunurot Bang Robet, bahkan na nyang tren dari Jimjim ka siap-siap keuneuk hambo useutad Farhan, nyan ban meunurot geupeugah le Bang Robet.

Aleh bit ngen ken hana ta tu'oh sit. Seubab hana ta jak kalon. Haba ret HP. Nyang pasti, acara beut ngen useutad Farhan hana jadeh.

@ApaRaban

Share this post