KA PALEH TEUH 73.200 DROE UREUNG ACEH MABOK NARKOBA
Banda Aceh — Cukop hayut teuh, leubeh 70 ribee droe ureung Aceh keunong narkoba, -tuha muda, chiek putiek, inong agam,- beh hoe ta keuneuk tajoe kalinyoe. That glie teuh.
Nyang na adoe, na aduen nyan suah jaga beu get-get, bek sampe keunong ata nyan, peunyaket nyan. Droe pih beu tajaga, bek jaga-jaga ureung laen tok.
Meunurot geupeugah le Kepala BNN (Badan Narkotika Nasional ) Provinsi Aceh,kureung bak siribe (1.000) droe sagai nyang na keunong rehabilitasi bak BNN, laen bak nyan hana lom.
Nyan ban geupeugah le Brigjen Pol Drs Faisal Abdul Naseer bak acara HANI (Hari Anti Narkoba Internasional) tanggai 26 juli baroesa.
Nyang ka lheuh ikot rehab na sekitar 300 droe ureung. Sampe inoehat manteng payah kawai sit si ge-ge. BNN-P Aceh manteng payah kawai awak nyan, dan na padum-padum droe beu jeut keu agen atawa duta. Ken agen narkoba, tapi agen anti narkoba. Lam-lam gampong atawa di kota-kota awak nyan ta lakee beu aktif untuk bi penyuluhan, peugah bak ureung-ureung, bak-bak sikula. Supaya bek sampe roh meu pakek narkotika. Pu keuh ganja atawa sabe (sabu-sabu). Nyan mandum peunyaket. Kira-kira meunanlah haba dari awak BNNP Aceh.
@ApaRaban baca bak koran Serambi.
0 Response to "KA PALEH TEUH 73.200 DROE UREUNG ACEH MABOK NARKOBA"
Post a Comment