FARHAN ABU FURAIHAN CÖT IKUE JI PLUENG

Banda Aceh — Useutad Farhan Abu Furaihan cöt ikue ji plueng dari Seumijid lam Rumoh Saket Zainoel Abidin, bunoe lheuh seumayang suboh. Meunurot jatah droe, na jadwal kajian di RSUZA. Lagee biasa, disinan memang ramee (bek ta kheun mandum) sit awak Wahabi nyang seumeubeut. Lam beut gadoh ji peu bid'ah dan ji peusyirek amalan ureung laen.

Useutad Farhan nyoe memang ukuran nah, ji thee le kaphee meunyoe bak ceramah. Hana rhem,geuteumok laju pu nyang jeut. Padahai umu manyak that manteng. Lahee sekitaran thon 1992 atawa 1993 meunan. Di jak beut awai u Yaman. Ken Darul Musthafa atawa teumpat laen lagee Al Ahgaff di Tarim atawa Hadhramaut lagee ramee ureung tanyoe, tapi di Darul Hadits. Teumpat nyan ji thee Wahabi dan kreuh-kreuh tunggang that.

Baroesa, uroe Sabtu, di Meureudu ban lheuh ji tolak kajian Useutad nyan. Sampe-sampe ka ji preh le ureung wilayah Pidie Jaya, ji keuneuk hambo meunyoe jadeh. Alah awai ureung nyoe Teungku-Teungku di dayah peuredam suasana, langsung melapor bak Peulisi dan MPU sideh di Pijay. Makajih hana jadeh ji hambo.

Sinoe neu klik neubaca

Bunoe beungöh, bak mesjid RSUZA, lam kajian useutad Farhan trok ureung-ureung nyoe dari Dayah-dayah nyang na sekitaran Banda Aceh-Aceh Rayek untuk lakee meureumpök dan meuduek, pakat peugah haba lagee diskusi untuk peujelaih masalah. Dan bek le meunan cara dakwah, kheun keu gob bid'ah, dan syirek. Pu lom lam  buleu. puasa baroe, ji kheu keu Abu Mudi, sidroe ulama nyang that geu hormati dan geu muliakan le masyarakat Aceh.

Video sinoe neu klik neu kalon

Lam kawan masyarakat Teungku Dayah bunoe, na leumah Tgk Umar Rafsanjani, Tgk Musthafa Woyla dan Tgk Habibi Waly (cuco Abuya Muda Waly). Sebenarjih useutad Farhan nyan ka ji mita-mita yoh masa lam buleun puasa,teuman han geutem meureumpök. Geu undang le MPU padum-padum ge han sit geu tem. Na tom Tgk Umar Rafsanjani jak meureumpok secara personal, sidroe, lam buleun puasa baroe. Lagee haba nyan sit, cöt ikue ji plueng. Kalinyoe meujak rame-rame supaya meureumpok langsong, siat baro meuduek, langsong ji peutak deungön jama'ah setia useutad nyan.

Nyan ilee siat @ApaRaban bi laporan, info langsong dari intel nasajaberita di lapangan.

Share this post