DINAS BUPARIS : HANJEUT MEUKAT BAK PKA BEH!

Banda Aceh — Nyan ban keu rakan-rakan dan syedara-syedara nyang keuneuk mita raseuki ngen meukat bak acara PKA, kalinyoe hana pat meukat. Ka meutheun lom raseuki gob. Get that na teuh.

Meunurot hasil rapat baroesa nyan, geupeugah le Kepala Dinas Budaya dan Pariwisata, ulee kudo acara PKA kalinyoe, geu tham meukat lam arena PKA meuseubab bek macet dan bek meurabök hana meu'oh arena PKA singoh lusa nyan nyang meu internasional siangen.

Ken cuma meukat nyang hanjeut, tapi juga keuneuk tham. Hanjeut peudöng honda atawa moto man sibak jalan dari Simpang lampu mirah to seumijid Oman sampoe keudeh u Peusantren Inshafuddin. Ken cuma jalan nyan. Jalan Eungkot Seupat (likot seumijid Oman pih hanjeut parkir dan meukat sinan. Kecuali keu ureung jak seumijid oman. Saboh jalan teuk jalan Belanak (aleh pu eungkot Belanak nyan) pun harus kosong jalan. Beu soh dari parkir dan ureung meukat di yup payong.

Neu klik sinoe, neubaca soe buka acara PKA

Meunurot Pak Amiruddin Tjoet Hasan (Kepala Dinas Buparis),  mandua boh jalan nyan keu jalur evakuasi. Bek pu-pu aleh keujadian singoh, hana ta tuho ret peuplung ureung. Nyan ban. Pu lom ureung tanyoe bateu tunggang, dum lewat ambulance ngen moto pemadam kebakaran, meu bacut han geu gese bak jalan. That na teuh.

Teuman dipat sit keuneuk meukat? Jeut meukat bak teumpat nyang ka di seudia. Lagee bak anjongan kabupaten kota nyang na di dalam.

Bak-bak nyang hanjeut, bek jak glöng payong ju. Watee ji plöh le awak Satpol PP singöh, ka jak peugah kamoe keujam, hana kemanusiaan.

Seulaen nibak nyan. Meukat di luwa gareh jeut. Meukeusut jih, bek bak teumpat-teumpat nyang ka dilarang le Panitia.

Nyan ban, @ApaRaban baca bak koran Serambi baroe.

Share this post