ABDULLAH PUTEH: JAK LAKEE KEADILAN BAK MA
 |
| Abdullah Puteh |
Bang Lah, nan nyang ji turi dan ji meuhei le rakan-rakan sinaroe keu Teungku Abdullah Puteh, sidroe Gubernur yoh masa konfil dilee hana luloh keu calon awak dewan ret DPD. Bang lah hana geu teurimong seubab hana luloh.
Meunurot KIP Aceh, Bang Lah han sep syarat untuk daftar caleg kalinyoe, seubab na aturan bak KPU atawa KIP bahwasajih, sidroe-droe ureung nyang kalheuh ji drop gara-gara korupsi han jeut le jak calon droe keu caleg. Seulaen nibak mantan koruptor (pancuri peng nanggroe), awak meukat sabee dan si gam paleh hana utak ji peulaku aneuk miet.
Geupeugah le Bang Lah," Lon jak mita keadilan keudeh u Jakarta." Meunan kheun Bang Lah watee awak beritakini meureumpok Bang Lah bak kanto Panwaslu di daerah Banda Aceh.
Meunurot Bang Lah, aturan nyang ji meudong awak KIP nyan meukaleung ngen Undang-Undang. 'Bak Undang-Undang jeut ikot, masak bak aturan KIP hanjeut. Nyan awaknyan nyang meulanggeh ngen hukom Undang-Undang." kheun Bang Lah.
Pak Darwis SH, nyang jeut keu pengacara Bang Lah, han geu teurimong sikap KIP lagee nyan, nyang han ji peu luloh Bang Lah. "Jadi kamoe meujak mita keadilan, karena nyang meulanggeh ngen hukom dan Undang-Undang na keuh KIP nyang han peu luloh kamoe ek caleg." Sambong Pak Darwis.
@ApaRaban
@ApaRaban
0 Response to "ABDULLAH PUTEH: JAK LAKEE KEADILAN BAK MA"
Post a Comment